عوده صلاح الدين "هام جداٌ"

السلام عليكم :-

في القرآن ربّك قال للناس: "ادعوني استجب لكم"
و الناس بتصلّي
والامام بيدعي
والمصلين تبكي وراه ويقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
ده احنا بشوق مستنيّين...
يا الله
لو جالنا هنقوم واقفين...
يا الله
نمشى وراه ونكون طايعين...
يا الله
و نحرّر أرض فلسطين...
يا الله
بس ييجيلْنا صلاح الدين...

*******
ربك دايماً.. ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...
قُدرة ربّك
مين هيكذب ويقول: "لأ"؟
ولقينا فارس من نور
وحصانه بيجري ويْدُور
وفي إيده السيف
استعجِبنا...!!!
وسألناه: "انت اسمك إيه؟"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يرسلني اللهُ إليكم
ها أنا ذا قد جئتُ إليكم
لكنْ علمت بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟
كيف سمحتم للأعداءِ بهذا الأمر؟
كيف تركتم بيتَ المقدس؟
كيف قَبِلْتُم عَيْشَ الذلّةِ بينَ الناسْ؟
إنا مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"

*******
كل الناس كانت في ذهول
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين في الدنيا وأبقى عريس..
أفرح واتمتّع و أهِيص
لكن حرب !!!
سلامُو عليكم... أنا مش فاضي"

*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
باقْطَع من جسمي وبادّيهُم
لو رُحت معاك -افرض يعنى- مت
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه في باقي الرجاله
هُمّا يسدّوا بدالي هناك
وانا هادعيلكُم كل صلاه"

*******
وثالث...
ورابع...
وخامس...
وعاشر...
وألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر الدِين...
يِبقى خلاص مش عايزين
إحنا هنقعد منتظرين
وهندعيلَك بالملايين:
يا الله...
إحنا بحالنا كده راضيين..
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ من كل الناس اللي سابوه

جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل زي ما هوا... صلاح الدين
لكن ساب في القدس رساله
بيقول فيها إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
يبقوا يقولوا: "يا الله..
رجَّع لينا صلاح الدين"
يا الله
عايزين جيشُه يكون ويّاه
يا الله
علشان إحنا مش فاضيين
يا الله
مش هنسيب الدنيا الحلوه وْنِمشي وراه
يا الله
مش عايزينُه ييجي لوحْدُه
يا الله
لازم جِيشُه يكون ويّاه
هذا رائي في الامه الآن فهل لك من رأي آخر ؟؟؟؟

بامكان كل انسان ان يكون فى نفسه صلاح الدين وان لم يكن فليكن هو يعمل لصلاح الدين

فى الاتحاد قوة وفى التفرقة ضعف
يارب نتحد

السلام عليكم :-

انا اقصد انو ده الواقع فعلاٌ
لو حد قال يلا نحارب مين هيقف جنبه مين ؟؟
كل الناس فعلاٌ هتقول اشمعنا انا :scratch:

فعلا صحيح الوضع الموصوف
صارحال معظم الامة (ليس كلها) مثل حال بنى اسرائيل حين قالوا لموسي (اذهب وربك فقاتلا إنا ههنا قاعدون )
ولكن ان وجد صلاح الدين ربماينصره من بقى على دينه وعلى كرامته

اه وماله ييجى بالسلامة احنا زهقنا من كتر ما استنناناه

السلام عليكم :-

سؤال لاخويا العزيز ابن البلد

هل انت فعلا زهقت انتظار لعوده صلاح الدين

فعلا انت عندك القدرة الكافيه انك تشوف الرصاص في كل مكان ومش هتخاف انا مش اقصد حاجه بس فعلا فتنه الحرب مش هينه وده مش مبرر ولا ليه ولا ليك ولا لاي حد بس انت عارف كمان انو لو جه صلاح الدين واحد بقي مننا يقول لما اخلص جامعتي علشان ابقي شهيد متعلم والتاني معرفش عنده ايه الــ ؟؟؟ ـــخ

صدقني بجد لو جه صلاح الدين قله قليله اللي هتنصره

» "أهل الهوي"ل"صلاح جاهين"رائعة تجمع أساطير العشق في التاريخ
» """"" امثال عالمية على البنات برضه """""
» "حاجات ياما" من الشعر الحر ل"سعيد حامد"عبر عن احساسه فامتعنا بإحدى روائعه
» "في دي الليلة أنا نايم"مأساة الوطن العربي الغافل والحق الضائع ل"الأبنودي"
» "كلب الست"للرائع "أحمد فؤاد نجم" المثال الأبسط لسطوة المال على القانون