رساله من الحكومة للمواطن!!!!

عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


بلاش المناكفة و لايم و عيش
هتتعب معانا و سهمك يطيش
نلفق لاهلك قضية حشيش
و تصبح حكاية و نكتة و مثال

تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال

هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحات

هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال

مالكش انت دعوة بى ايه اللى ضاع
و مين اللى شارى و مين اللى باع
و مين اللى كيل و مين اللى شال

فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال


فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال
(منقول) :lol!:

احنا شكلنا كده هنكملها.. حب فى الزنزانة
ربنا يستر

هههههههههههههههه عسل عسل

ههههههههههههههههههههههههههه حبيبى دائما :D
فحب الحكومة و حب السلام
و علم ولادك يشدوا الحزام
علشان بكرة هياكلو حمام

ياريت تجى على قد كده


وطول ما فى حركه كشفيه ميهمناش اى حاجه





محنا بنستخدم القنوات الشرعيه وسلاملى على الحريه

ميهمناش أصلك وفصلك موطنك ميهمناش :D

هههههههههههههههههههه

حلوه حب في الزنزانه ده ياقائد عيطه

هههههههههههههههههههههه

بجد قصيدة رائع وكلمات رائعه من كتابها

ولكن ما تحويه اسية شعب وحرمنا

شكراً لمجهودك ياقائد حسحس

وربنا يسترها علينا

ماهو ديما كدة الحق طعمه مر

شكرا على مرورك الكريم يا شوشو
وربنا يستر يا زرقاء علينا الله كريم