تنبيه هاااااااااااااام احذروا

السلام عليكم ورحمه الله وبركاته
من غير رغى انا هدخل فى الموضوع على طول
بصو يا جماعه كلكم لازم تاخدو بالكم عشان فى واحد الله يسهله بقى بيسرق الاميلات وبيطلب من الناس رصيد عشان يرجعلهم اميلاتهم او حتى بالنصب
انا هحكيلكو بسرعه ايه اللى حصلى بالظبط
انا كنت بكلم ابن عمتى ولقيته بيقولى خدى اللينك دة وعلقيلى على الصورة بتاعتى على الياهو فروحت دوست طبعا بكل سلامه نيه وبعدين قالى اكتبى الميل والباسورد ودى كانت اخر مرة اشوف ميلى فيها وبعدين قالى انتى معاكى رصيد اصل واحد صاحبى مش معاه فلوس وهو فى الطريق وهيحاسب بالرصيد و شكرا على كدة
وطبعا لما جيت افتح الميل تانى مش رضى يفح عشان كان الاستاذ سرقه خلاص
المشكله الاكبر بقى انه بيستغل كل صحابى اللى على الميل وبيعمل معاهم نفس الحركه وبياخد منهم رصيد
انا بس حبيت انبهكم واى حد تعرفوه لازم تبلغوه
وربنا يسامحه بقى على اللى عمله ويهديه
سورى انى طولت عليكو
بالنسبه لصحابى اللى من هنا وكانو معاهم الميل بتاعى انا هبعتلهم الميل الجديد فى رسايل خاصه

لا حول ولا قوة الا بالله ربنا يستر علينا
شكراً يا ريهام على التنبيه وإن شاء الله ربنا يوقفه
_______________________
محمد عماد

اولا/ السلام عليكم
ثانيا انتى بجد لازم تاخدى موقف ضد ابن عمتك دا وهو اللى يرجعهلولك
وربنا يعوض عليك وفعلا الكل وبالذات البنات لازم يكون عندها حذر وهى على الاميلات الخاصة بها لان كنير من المشاكل ممكن تحصلها.. بقى في برامج تفتح الكاميرات بدون علم صاحبها وحاجات غريبة كتير

اولا ابن عمتى هو كمان اتسرق يعنى مش هو اللى كلمنى
ثانيا انا حاولت اعمل اللى عليا وابلغ الناس على قد ما اقدر
وربنا يستر بقى

الحذر لا يمنع القدر ربنا يستر معانا حتى الاميلات يتتسرق

ربنا يستر

[ندعوك للتسجيل في المنتدى أو التعريف بنفسك لمعاينة هذه الصورة]
اوكى ياريهام والواحد ما بيتعلمش بلاش
وشكرا لتحذيرك

انا بس كان كل همى انى اعرفكو عشان تاخدو بالكو بجد الموضوع وسع اوى وبقى حاجة تخنق مش بس تضايق
وبجد سعيدة بوجودك يا رانيا وكنتى واحشانى اوى

شكرا علي التحذير ده

العفو دة اقل واجب ممكن اعمله مع اخواتى

[ندعوك للتسجيل في المنتدى أو التعريف بنفسك لمعاينة هذه الصورة]
الله يخليكى ياريهام وانتى ليكى وحشه كبيره وربنا يعدى الموضوع ده على خير
واهو كله خير ياريهام

شكرا جدا على تحذيرك يا ريهام .... بس خلى بالك المره الجايه..

قولى الحمدالله انها جات فى الاميل مش فى حاجه اكبر..


موها