الرومانسيه اللى على حق

مش عارف انا بكتب ليه فى الوقت ده وكمان من غير ما احضر كلام اقوله بس جالى احساس اقول للناس الجميله اللى متابعانى كلامى وخواطرى ...كلام مهم شويه ...احنا ليه يا جماعه منحولش الرومانسيه الغلط..للرومانسيه الصح
بمعنى ان الناس واحنا حاطين فى دماغنا ان الرومانسيه معناها تفكير الولد فى البنوته ..والبنوته فى الولد...طب ليه ممكن احنا نرتبط بالحبال الدايبه ..ممكن احنا نفكر فى رضا ربنا احسن من الرومانسيه التافهة اللى من غير شراع للسفينه انا مش معنى كلامى ان الرومانسيه دى حاجه وحشه لا خالص بس يا ريت تكون رومانسيه فى الحلال ...الرومانسيه بيقولوا عليها انك تحكى حبك وكلامك وسهر ليلك على حبيبك تحكيه للهواء للميه للحيطه للصخره لاى حاجه فى وشك تفضفض ...طب ليه منحولش الرومانسيه دى لحاجه ترضى ربنا ..ليه متسهرش تصلى ركعتين لربك تشكيله همومك وتقوله على اللى جواك ليه متخليش وتطلب من ربنا المساعده ليه متقولش يا رب
ليه متقولش اللهم كن معى اللهم كن رفيقى اللى انت سامعى وناظرى وشاهدى ورقيبى ومطلع عليا .
... ليه متبكيش لربنا ... ليه متناديش وتصرخ بصوت خاشع وتقول يا رب
ليه متققرش تتوب من جميع ذنوبك فى اللحظه دى انت مش عارف ان ربنا بينزل كل ليله الى السماء الدنيا ويقول (هل من تائب فاتوب عليه هل من مستغفر فاغفر له هل من طالب فاعطيه....) استغل الفرصه بقى مره فى حياتك واطلب من ربنا التوبه اطلب من ربنا انه يغنيك بالحلال اطلب من ربنا انك تنجح فى المتحان اطلب
نصيحتى ليك خلى فيه سر بينك ما ببن ربنا سر محدش فى الكون يعرفه ..... طهر قلبك شويه وحب ربنا علشان ربنا يحبك ودى بجد رومانسيه بس عل حق مش لعب عيال بعد كده خالوا بالكم من نصيحتى اتمنى انى الاقى رد على الخاطره البسيطه دى علشان اشوف انتوا اتقدمتوا خطوه ولا لسه


القائد محمد الاسيوطى

الله عليك يا محمد

بجد بجد جزاك الله كل خير

وتسلم أيدك

كلامك بجد أكتر من رائع

وربنا يهدينا جميعا يارب لطاعته

(اللهم أعنا على ذكرك وشكرك وحسن عبادتك)

اللهم امين
متشكر جدا ليكى يا نور الشمس
يا رب قد سمحت لى ان اسير فى الظلام
كى ارى جميل نورك
وسمحت لى ان اكون وحيدا
لارى كم انت قريب
وسمحت لى ان ارى تفاهة الحياه
لاعرف ان كل الاشياء خساره
امام سعه فضلك

القائد/موها

ايوه كده يا قائد
هو ده
عرفهم معنى الرومانسيه
خليهم بقى يلتزموا شويه
انا عموما بقولك
كتر خيرك
قولوا ورايا
الهم زود من امثال موها

بسم الله مشاء الله
هى دى بجد الرومانسيه
بس فى حاجه انا مش موافقاك عليها يا موها
او فى حاجه احب انبهك بيها
الحب حاجه ولعب العيال حاجه تانيه خالص
انك تحب وتتحب ده احساس تانى خالص
بس ده برضه ميبعدناش عن ربنا
تحياتى ليك يا موها

نيره

والله يا جماعه تعليقاتكم دى بتشجعنى بجد
احلى تشجيع على الكتابه
وانا بجد بشكركم كلكم

اليك يكتب قلمي...................................ومن طيفك اعيش ايامي..................
: وفيك اصب الامي........................
الله اعبد ولله اسجد....................وفيك اؤؤكد اسلامي

موها

يا سيدى على الكلام الجميل

ميرسى ليك يا قائد محمد

وطبعا لازم نشجعك

عشان أنت موضوعاتك متميزة

وربنا يوفقك

دى بجد مسأله صعبه اوى الحكايه دى مش ممكن تتعدل

احنا بجد مستنيين موضوعك وكلامك عن بوتشى بتاعتك دى
ممكن نحاول نستفسر منك عن شويه اسئله عنك انت وبوتشى

يا ريت تقولنا على اميلك علشان اللى يحب يستفسر عن حاجه

صديقتك /نيره