سؤال لكل شخص فى المنتدى؟؟؟؟؟؟؟؟؟؟؟؟

سؤال لكل شخص في المنتدى يجاوب عليه



وهو
كان فى واحد قاعد مع اصحابه وسالهم ايه هواصعب شي بالحياة؟؟؟؟؟؟
الاول قال الموت اصعب شيء
التانى قال الحب من طرف واحد
والتالت قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم
ايه رايكم ايه هو اصعب اصعب شي في الدنيا؟؟؟؟؟؟؟؟؟؟؟؟

انا معاكي يا همت
الموت ربنا يكفينا شروو

الموت طبعا يا ريرى فى المقام الاول

ربنا يحسن ختامنا

أما الذى يليه فهو

ان الدنيا تبعدك عن الناس الي بتحبهم

وربنا يارب ميكتبهاش على حد أبدا

أمين يارب

انا من رايى ان كل المواقف دى تتلخص فى معنى الفراق او الوداع او حتى الوحدة باى شكل سواء كان موووووووووووت او فراق حبيب اوحتى غربه
عموما ربنا يكفينا الشر يارب
وشكرا لمروركم جميعا

يارب يا ريرى

ولا شكر على واجب يا قمر

عندك حق يا شومان كلامك جامد

ماتحبكهاش كدة يا محمود
المهم جزاك الله خير يا شومان ومعاك حق فعلا

اولا تحية وشكر ليكى يا ريهام على الموضوع وكل من دخل واضاف

وطبعا كلامك يا شومان جميل جدا

ومفيش بعده ولا كلمة

بس احب اضيف حاجة من وجهة نظرى

اعتقد ان اصعب شىء بالحياة طيعا قولتو الموت

بس دى حاجة طبيعية وكل الناس عارفاها ومؤمنة بيها

لكن بينقصها حاجتين

اولا رضا ربنا عنك ودى طبعا يتضمن منها كلام شومان

والتانية رضا الوالدين ودى اهم حاجة لو الواحد تخيل انه ابوه ولا امه ماتو وهما مش راضيين عنه

او سافر ورجع لقاهم متوفيين ومكنتش النفوس صافية

اعتقد انه مش هيرتاح طول حياته لحد ما يموت واكيد هيقابل مصيره يوم القيامة

ودى وجهة نظرى

طبعا المواقف الصعبة كتير

وربنا يرحمنا جميعا

انتم معاكم حق كلكم كل اللى انتم قولتوه دة صعب فعلا والحقيقه ان كله اصعب من بعضه
طبعا بعد رضا ربنا ووالدينا اى حاجة بعد كدة تتوقف مدى صعوبتها على مدى تحمل كل شخص للموقف
يعنى فى واحد ياثر فيه موقف اكثر من واحد تانى طبعا باختلاف طبايع البشر
وشكرا لمروركم وربنا مايحطناش فى مواقف صعبه كلنا يارب

فعلا عندك حق يا ريهام المةاقف فعلا صعبه بس فعلا على حسب الشخص نفسه

شكرا لموضوعاتك يا ريهام