نا عصيــــت ربنا إمبارح... بس مبسوووطة جداااا ...إنى عصيته!!!

السلام عليكم ورحمة الله وبركاته

ازيكو يامعلمين [ندعوك للتسجيل في المنتدى أو التعريف بنفسك لمعاينة هذه الصورة]

أنا النهاردة ياجماعة مبسوطة جداااااااا

لأنى بصراحة إنهاردة عصيت ربنا

ومهمنيش

جاهرته بالمعصية ومفرقتش معايا

طب وإيه يعنى

المهم اتبسطت وقضيت وقت جميل وخلاص

ايه دا ... إيه دا ....؟؟

[ندعوك للتسجيل في المنتدى أو التعريف بنفسك لمعاينة هذه الصورة]

مالكم كدا بتحتقرونى بينكم وبين نفسكم؟!!

انتو كمان زييى

[ندعوك للتسجيل في المنتدى أو التعريف بنفسك لمعاينة هذه الصورة]

أه زيى

أو كنتم زيى

وماتستغربوش أو ى كدا وتقولوا

لالالالالالالالا

دااحنا بنحب ربنا واستحالة نحاربه

[ندعوك للتسجيل في المنتدى أو التعريف بنفسك لمعاينة هذه الصورة]

لاء انتوا حاربتوه وبتحاربوه

[ندعوك للتسجيل في المنتدى أو التعريف بنفسك لمعاينة هذه الصورة]

طيب عيشوا معايا شوية فى المواقف دى كدا ونشوف سوا

هل إحنا بنحارب ربنا ولا لاء

[ندعوك للتسجيل في المنتدى أو التعريف بنفسك لمعاينة هذه الصورة]

أنا مبسوطة جداااا لأنى ..امبارح شفت حتة فيلم للمثل اللى بحبه

بس كان ايه تحفة كان نفسى أسمعه أوى من زمان

**********

[ندعوك للتسجيل في المنتدى أو التعريف بنفسك لمعاينة هذه الصورة]

أنا مبسووووووطة جدا امبارح سمعت ألبوم المطرب .....

الألبوم تحــفة وأغانيه جميلة أوى فعلا كنت هموت وأسمعه

انتو عارفينى بأه

مينفعش ينزله جديد وميكونش عندى

**********

[ندعوك للتسجيل في المنتدى أو التعريف بنفسك لمعاينة هذه الصورة]

أنا مبسوط

حضرت حتة فرح بس كان إيه ...... ماأقولكمش ...

ع البنات و الشباب

وع الأغانى ولا العروسة !!

والرقص اللى اللى رقصناه

ولا اللبس ولا ... ولا ......

**********

[ندعوك للتسجيل في المنتدى أو التعريف بنفسك لمعاينة هذه الصورة]

مبسوطة أوى امبارح كان عيد ميلادى وحضروا لى حتة مفاجأة

كانت حفلة جميلة أوى

والدى جى واختيار الأغانى كان تحفة

ورقصنا كلنا مع بعضينا

********

[ندعوك للتسجيل في المنتدى أو التعريف بنفسك لمعاينة هذه الصورة]

فرحاااااااان لأننا كنا ف رحلة امبارح

وحصل بأه شوية حاجات

اتعرفنا على شلة بنات من هناك وأخدنا منهم أرقام التليفونات

واتفقنا نتقابل تانى قريب

أنا إشتريت حتة طقم إنما إيه يابنات روووعة

لو تشوفوا استايل البنطلون

ولا لون البادى جنان

مشفتش حد لابس منهم

********

[ندعوك للتسجيل في المنتدى أو التعريف بنفسك لمعاينة هذه الصورة]

انا منمتش امبارح كنت بأتكلم فى التليفون مع زميلى فى الجامعة

لحد الساعة 3 الفجر

وبعديها فضلت لحد الصبح أفكر فى الكلام اللى حصل

وبالرغم من كل الرعب اللى كنت فيه إن حد يصحى ويحس بيا

بس كنت فى قمة السعادة

من الآااااااااااااااااااااااخر

مبسووووووووووط /ة جداااااا لأنى ............................

عصيــــــت ربنا!!!

هاااا

فكرتوا انكم ممكن تكونوا بتعملوا زيى

أو على الأقل كنتم بتعملوا كدا

يعنى مش لوحدى دا حالنا كلنا

[ندعوك للتسجيل في المنتدى أو التعريف بنفسك لمعاينة هذه الصورة]

مش هو دا لسان حالنا ياجماعة لما بنعمل المعصية؟

مش دا

حالنا فى المجاهرة بالمعصية ؟

يعنى الحمد لله ربنا سترنا ومفضحناش

الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا

لاء

دااحنا بنخرج وبنجاهر بالمعصية وبنتمنظر بيها كمان !!

وبنقول لربنا

أنا عصيتك

وفرحان انى عصيتك

وهأحكى لكل الناس إنى عصيتك

ومش هيفرق معايا.......

(والله قلبى بينخلع وأنا بأكتب الجزء دا دا

وبجد مش قادرة أكمله

ربنا يغفر لى [ندعوك للتسجيل في المنتدى أو التعريف بنفسك لمعاينة هذه الصورة] )

قدرنا ياجماعة نقول كدا ؟؟

قدرنا نغضب ربنا بالطريقة دى؟؟

يااااااااا الله على جهلنا وعلى سوء معاملتنا مع ربنا

وهو ستير لعيوبنا ولذنوبنا وإحنا والله لو ربنا حاسبنا كما يجب

كنا هلكنا دلوقتى من جراير أعمالنا

ياااااااه لما الواحد يفتكر أد ايه كان غافل وبعيد عن ربنا

ولما يفتكر ذنوبه وازاى ربنا كتب له الحياة علشان يكفر عنها

وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية

وعلى فكرة أنا مش مكبرة الموضوع ولا حاجة

*******
دى تذكرة بسيطة ليا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله

ولو كان حد فينا عمل كدا زمان

وربنا هداه دلوقتى لكن ماتابش

يتوب لأن الذنب لو ماتبناش منه ربنا هيحاسبنا عليه حتى لو كنا بطلنا نعمله

وطبعا دى كلها مواقف من وحى الخيال لكنها وااااقعية جدااااااا

بس حبيت أتكلم بصيغة المتكلم لأنها بتوصل أسرع وأفضل فى التعبير..

عزرا للأطالة..بس ياريت تكون الرسالة وصلت

اللهم اغفر لنا اللهم ارحمنا اللهم قنا من عذاب النار
بارك الله فيكى يا همت

وانا مبسوط جدااااا
لتواجد شخصية مثلك في المنتدى
بارك الله فيكى

وانا مبسوطه اوى لان كل حاجه انتى بتقولها
لانى مش كده خالص
ولانى بحب ربنا وبخاف على غضب ربنا

ومبسوطه اكتر لانى عرفتك يا همت

اللهم اغفر لى وارحمنى يا ارحم الراحمين

اهلا وسهلا
علي فكره وانا بقرا الموضوع كنت بسمع اغاني قفلتها
الحجر الاسود ده كان زماااااااان ابيض بس اسود من عمايل الناس وكتر الذنوب

ولسه ولسه

شكرا ليكم يا جماعة

وبارك الله فيكم

وانا مبسوووووووووووووووطة جدااااااا

انى انا عضوة فى المنتدى اللى بيضم اعضاء زيكم

وربنا يكفينا جميعا شر المعاصى ما ظهر منها وما بطن

اللهم امين

يارب نتجمع كلنا فى الخير

يا رب

اللهم امين

يارب يا ميادة يارب

جزاكى الله كل خير يا همت موضوع جميل

وربنا يرشدنا الى الطريق الصالح

ويغر لنا زنوبنا ويهدينا والمسلمين أجمعين يارب

اللهم امين

شكرا ليكى يا هبه

بجد موضوع رائع وربن يقوينا على عدم المعصيه والانخراط فى مباهج الدنيا
تسلم ايدك يا همت وبجد اسم على مسمى انتى مثال للهمه والنشاط الدائم

ربنا يبارك فيكى يا ريهام

وان كان فى همة ونشاط..يبقى من تفاعلكم وتشجعكم ليا

انتي اصلا اجمد عضوه في المنتدي
ده انا لما اعرف انك نزلتي موضوع لازم اخش اقراه لاني عارف هيبقي موضوع جامد جدا

يا بختك يا همت

عقبالى يارب

ههههههههههههههههههههه

شكرا ليك يا عمرو على كلامك الجميل ده

ووجودك فى اى موضوع ديما بيسعدنى

وديما بيهمنى اعرف رأيك

ودى بجد مش مجاملة

وشكرا ليكم جميعا

» ياأخى إحمد ربنا
» اوعى تخاف ربنا يســـــــــــــــــتر....
» وبعد غياب اللي ربنا ممتش