اجتماع هاااااااام جدا لكل من فى المنتدى

السلام عليكم ورحمه الله وبركاته

ازيكم يا جماعه

انا جايلكم انهارده بفكره فكرت فيها امبارح وعجبتنى

ويااارب تعجبكم انتوا كمان

وهى......

بما اننا فى منتدى كشفى او يغلب عليه الطابع الكشفى

بحكم ان احنا كلنا جواله وكده يعنى

فأنا عندى فكره ممكن تكون حلوه

وانا شفتها فى العشيره عندنا كتير ونفسى انفذها

وهى...

طبعا لو كل واحد فينا اول مايسجل دخول يشوف مين اللى معاه فى المنتدى

وهذا كثيرا ما نفعله ولكن مانراه انه لايوجد هناك الا شخص واحد او شخصين على الاكثر

وعلى العكس لو نظرنا الى الاعضاء اللذين تواجدوا خلال 72 ساعه الاخيرا

نجدهم الى حد ما عدد معقول

وانا اللى شفته عندنا فى العشيره

ان كان فى قائد حبيبى بجد واخويا الاكبر من بعده القائد شومان طبعا

وهو القائد علاء الدين اشرف

وكان القائد علاء بيعمل اجتماعات دوريه يمكن مرتين فى الاسبوع على الاقل

واعتقد ان ده فى كثير من العشاير

وعلى فكره الموضوع ده جميل بجد

علشان كده انا فكرت ان احنا نحدد ميعاد مع بعضنا ندخل فيه كلنا المنتدى

ونتقابل فى الشات الخاص بالمنتدى

بدل الشات ماهو فاضى كده

وطبعا انا عارف

ان اول ماتسمعوا الكلام ده كل واحد هايقولى حاجه شكل

يعنى مثلا واحد زى صاحب الظل "مصطفى" هايروح قايلى ايه

لالالالالالالالالالالالالالالا انا عندى شغل

حبيبى يا درش

او واحده زى "والا بلاش " هاتروح قايلالى ايه

لالالالالالالالالالالالالالا انا عندى غسيل او طبيخ

ولهذه الاسباب انا قررت نرشح احد الاثنين للقيام بعمل معين

وهو اما....

القائد شومان بحكم انه مدير المنتدى

او

العبد لله بحكم ان انا اللى عامل الموضوع

وده طبعا لان العمل ده مش سهل ومينفعش انى الزم بيه حد معين

وان كان على شومان فهو مدير المنتدى ولازم يقع فى حاجه زى كده

واللى عاوز حد غير الاتنين دول يقول فى الرد بتاعه

والعمل اللى هايعمله الشخص ده

هو انه هايجمع المواعيد اللى حضارتكم هاتكونوا فاضيين فيها

وده طبعا من ردودكم الكريمه

وعلى هذه الردود يحدد لنا الموعد الامثل

وتجميع المواعيد هايكون بعد اسبوع من تحديد الشخص اللى هايعمل الموضوع ده

اللى لازم يكون بالكتير بعد يومين من نزول الموضوع وهايكون باغلبية الردود

وعلى فكره .......

الموضوع ده انا شايفه مهم لعده اسباب

1-بجد هايخلى العلاقه بينا احسن وحواجز كتير بينا هاتتشال

"نفس عمل المقابلات الشخصيه اللى مش عارفين نعملها"

2-نرفع من روح التفاعل بينا فى المنتدى

"اكثر من كده طبعا"

3-شكل المنتدى هايبقى جميل جدا

"كالعاده"

4-اى حد لسه معرفش حد وبيكلمه من خلف ستار اسمه صفحات المواضيع

"ممكن يعرفه اكتر لما نتكلم كلنا مع بعض "

بس فى شرط او رجاء

مينفعش نعمل ده كله ونيجى فى الاخر علشان كلنا بقينا على النت

نتكلم على الياهو او الهوت ميل او اى خااااااااااااااااااااص ممكن

واسف جدا جدا جدا على الاطاله

ويارب الموضوع يعجبكم

وياااااااااااريت اعرف رأيكم فى الموضوع مع الاستفتاء على الشخص

مع المواعيد المتاح لك الجلوس على المنتدى فيها وذلك فى حالة قبولك الفكره طبعا

واذا لم تشجع الفكره لازم تقول كده ومش لازم تذكر اسباب بس لازم تعرفنا انك مش موافق

علشان احنا هانستنى اكبر قدر من الردود لتحديد الموعد

وتحياتى للجميع

واسف مره اخرى للاطاله

اولا فكرة اكثر من رائعة بجد يا محمود

وانا عن نفسى موااااااااااااااااااااااااااافقة جدا

وموافقة على اى شخص يحدد او اى موعد انتم تحددوه

علشان انا بالنسبالى مفيش مشكلة

فى حكاية المواعيد دى طالما هى تناسبكم

وبجد بحد هتغير كتييييييييير فى شكل وطريقة تفاعلنا مع المنتدى

جزاك الله خيرا

اة فهمت قصدك يا محمود عايز تعمل روح بين اعضاء المنتدى
يعنى الاعضاء بينزلوا موضوعات وكمان يكون فى بنهم روح يعنى مش نفيد المنتدى بس كمان نفيد نفسنا

انا موافقه على اننا نكون روح ونكون منتدى واحد
شكرا على فكرتك يا محمود

ونقول اغنيه

كلنا ايد واحدة كلنا مع بعض جواله بنها زى الرعد

فكرة جميلة أوى يا محمود

أنا موافقة طبعا وبدون تردد

والمعاد اللى تختاروه يا جماعة

موافقة عليه

موضوع جميل طبعا بالاغلبيه
وبما انك صاحب الاقتراح فانت تتحمل تنفيذه
وممكن نقول عن المواعيد فى رمضان هيكون صعب شويه بس ممكن نقول
من 10 مساء على اساس ان يكون صلاه التراويح خلصت
وشكرا للفكره والاهتمام بتقدم المنتدى

عظمه على عظمه يا جامايكا
ايه الافكار الجامدة دى
طبعا انا موافقه جدا
والميعاد اللى تختاروه انا موالفقه عليه بس ياريت بلاش يبقى يوم الخميس
لكن لو الناس كلها تمام على الخميس يبقى انا اكيد اوك
وتسلم على الفكرة الجامدة دى

بصراحة كدة بقى تمام اوى

فاضل حاجة بسيطة ونبتدى ننفذ

وانا برضو بيتهيقلى ان انسب معاد هو 11 مساء

علشان ذى ما شمس قالت

نكون بعدنا عن التراويح بمدة كافية

طب انا ممكن اطلب طلب من الناس اللى موجودة فى المنتدى دلوقت اننا نتقابل فى الشات وانا شايفه ان فى 4 على الاقل ودى حاجة كويسه

يا جماعه ماتنسوش تختارو مين اللى يحدد فى بدايه الموضوع عشان التصويت

كمان انا راييى ان الواحد اول لما يدخل ولقى ان فى حد موجود معاه فى نفس الوقت اول حاجة يعملها انه يدخل الشات
وحتى لو مافيش حد غيره بردو يدخل ويتخل المواضيع عادى لحد لما يدخل حد تانى ويعنى اهو بدل مانقعد نرد على بعض فى المواضيع نتكلم فى الشات افضل

فكره كويسه يا ريهام
وانا صوت لمحمود يتولى الموضوع بما انه صاحب الفكره

يا رانيا انا اقصد ان فى استفتاء فى اول الموضوع هو دة اللى تختارى فيه عشان بيحسب نسبه
ويلا قابلينى بقى فى الشات

اوكى صوت فوق

بسم الله ما شاء الله

الحمد لله يا جماعه

انا شايف ان فى ترحيب بالفكره من اول يوم

ودى حاجه جميله بجد

ويارب باقى اعضاء المنتدى يعملوا زى

زرقاء اليمامه
وبندقه
ونور الشمس
وشمس الاصيل
وريهام

كده ويشرفونا بردودهم

علشان ان شاء الله الموضوع يكمل على خير

وطبعا لازم مننساش الاستفتاء اللى فى اول الموضوع

ولازم يكتب الميعاد المناسب له

الساعه من ؟؟؟؟؟ الى ؟؟؟؟؟؟

يوم كذا وكذا وكذا

وياريت نشوف ردود اللى قبلنا ونحاول نقرب المواعيد من مواعيدهم بقدر المستطاع

وان شاء الله يوم السبت مساء سوف يحدد مين اللى هايعمل الموضوع ده ويظبط الميعاد

وان شاء الله نبدأ فى تجميع المواعيد وتحديد الميعاد الامثل بعد تحديد الشخص ولمدة اسبوع ان شاء الله

وجزاكم الله خيرا

والى الامام دائما

تحياتى للجميع

وخد بالك ان البنات بس فاضيين يبني

ويقولك ايه مش لايقه يوقت اقرا فيه قران

انا موافق بس بطلب برضه

انه يكون وقت متفاوت يعني مثلا نحدد يومين في الاسبوع او ثلاثه واوقات الثلاثه غير بعض

يعني واحد الساعه 1 بليل والتاني 4 العصر والتالت ممكن بعد الفجر بسعتين علي اعتبار اني بدخل الوقت دا

ممكن يعني

ياسيدى شكرا .فاضيين.فضيين ايه المشكلة..

بس ياريت ميبقاش بعد الفجر

ماشى انا موافقه الساعه واحده بليل
فعلا ياريت يكون يوم او يومين بالكتير فى الاسبوع
ولى يوم عادى انا معاكم
بس ده لو محمد اخويه ساب الكمبيوتر اصلا

وعلى فكرة يا مصطفى الفكرة دى جميله جدا بتقوى الروح بين المنتدى
مش معنى ان احنا اعدين على الكمبيوتر يبقا مش هنقرا قراءن او اى حاجه
باذن الله هنقرا ويسعدنا ربنا اننا نحفظ كمان

I am N ومعاكم انها فكرة كويسه علشان هتوطد العلاقة بنا
بس سؤال هوه الوقت اللي هنقضيه مع بعض هنعمل فيه ايه؟؟

* عالعموم انا معاكم أن شاء الله بس بعد شهر رمضان المبارك
لان بجد هبقي مشغول جدا جدا (مش عنطزة ولا تناكه والله)

* بس نصيحة من أخ لأخواته (بلاش وقت مأخر)
لان هيبقي فرصه وربنا هيتنزل من الثلث الاول عكس الايام العادية
فياحبذا لو نقرأ فيها قرآن او تستغفر او تدعي او تقيم الليل (ده رأيي)

ودة رأى جميل والله يا محمد

وأنا عن نفسى أحب بالليل

لكن فى رمضان الوضع مختلف بالنسبة لقيام الليل

وقرأه القرأن

بس ممكن من الساعة11 ونصف مثلا

يا جدعان موضوع رائع وانا فاضي 24 ساعه في ال 7 ايام ماعدا الساعه 8 اللي 11 لاني بكون في الجيم ومش ينفع مروحش والصبح من 9 اللي 11 برضو لاني ببقي في تدريب اليد وانا معاكو في كل الاوقات ان شاء الله ;)

كلام رجالة يا عمرو؟

اما نشوف

عيب يا همت
بس مدام انت فاشى على طول كدة يا عمرو مش بتنورنا فى المنتدى ليه
بيقالك مدة كبيرة مش بتيجى
بجد ليك وحشه
اوعى تتاخر تانى

والله ده اللى احنا بنتمناه

على فكره يا جماعه احنا قلبناها شات وحاجات كده

ونسينا خالص ان احنا نكتب المواعيد بالتفصيل

لأن بجد انا كد اللى هاتوه فى تحديد الموعد

لأن الاستفتاء بيقول كده لأن امبارح كان اخر يوم فى الاستفتاء

واللى حصل ان انا اللى هجمع المواعيد وهحاول احدد ميعاد يناسب الجميع

ان شاء الله

واحنا كده نبقى قفلنا باب التصويت لأن من انهارده ان شاء الله انا هابدأ اجمع فى الاوقات

وياريت يا جماعه بعد اذنكم تساعدونى وتكتبوا المواعيد بالتفصيل الى اكبر حد

بعد اذنكم

وان شاء الله اسبوع من نزول الرد ده هانحدد الموعد المناسب

ورجاء المساعده

تحياتى للجميع

ورمضان كريم

ماشى يا محمود

وأنا عن نفسى من 2الى 4عصرا

ومن 11الى الفجر

أن شاء الله

وهحاول أظبط المواعيد أنا وهمت

عشان كل واحد يدخل شوية

ماشى؟؟؟؟؟؟

كلام جميا جدا كده

وشكرا على ردك وتفاعلك

وطبعا ده مش جديد عليكى يا " هبه "

واحتمال يكون الميعاد بعد الساعه 11

لان ناس كتير عاوزه كده

وربنا يقدم ما فيه الخير

» اجتماع قادة العشاير والاشراف بالتحكيم لمناقشة لايحة الدرع الثامن للجامعه
» واحشنى يا دا المنتدى
» سؤال لكل شخص فى المنتدى؟؟؟؟؟؟؟؟؟؟؟؟
» يا ترى من هو قمر 14 فى المنتدى يلا نشوف ...
» لغز لعباقرة المنتدى ................ ادخل وحل