أغاني بنها في أسبوع المنصورة

بســم الله الـرحمــن الرحيــم

السلام عليكــم ورحمـة الله وبركاتــة ،،

نظر لان ناس كتير طلبت بعض أغاني بنها في أسبوع المنصورة

فده الأغاني اللي طلبوها

ده أغنية((( هي هي هي بنها)))
وده تأليف القائد mari0o0

أرجع تاني واقولها هي هي هي ايه هي هي بنها

هي هي هي بنها
ياللي مفيش حته في جمالها

ده مفيش بلد في جمالها
ولاه في شك في أمناها

هي دمي .....هي أمي وانا الأين اللي صناها

وأرجع تاني واقولها هي هي هي ايه هي هي بنها

هي هي هي بنها
ياللي مفيش حته في جمالها

أفارقها أزاي وأتغرب
وانا كل ماسبها بقرب

هي حياتي.....ذكرياتي وانا الأبن اللي صناها

وأرجع تاني واقولها هي هي هي ايه هي هي بنها

هي هي هي بنها
ياللي مفيش حته في جمالها

ياسلام علي خفة دمها
ياسلام علي نيلها وجوها

هي دمي .....هي أمي وانا الأين اللي صناها

أرجع تاني واقولها هي هي هي ايه هي هي بنها
ياللي مفيش حته في جمالها

*****************************************
&&&&&&&&&&&&&&&&&&&&&&&&&&&&&
*****************************************
والأغنية ده أغنية

لا روحنا ولاه جينا
وده تأليف القائد محمود مشرف
مساعد قائد الوفد
في المنصورة

لا روحنا ولاه جينا ولاه غبنا عنكو

ورجعنا تاني هنا علشان نقولكو

سد ودنك غمض عينك ولو نطقت بكلمة ياولك

ديموقراطية فين الحرية
مش عارفين ايه القضية
عظيمة يامصر ياأم الدنيا

لا روحنا ولاه جينا ولاه غبنا عنكو

ورجعنا تاني هنا علشان نقولكو

يالله أتكلم حطم سكوتك أوعه تخاف لو جالك موتك
الناس بتأأيد علي طول منافقون منافقه ياريس

لا روحنا ولاه جينا ولاه غبنا عنكو

ورجعنا تاني هنا علشان نقولكو

الأسعار بتولع نار ورغيف العيش عايز منشار
وشباب بيهاجر والتعليم باظ
عظيمة يامصر يأم الدنيا

لا روحنا ولاه جينا ولاه غبنا عنكو

ورجعنا تاني هنا علشان نقولكو

أخوكم القائد/ محمد شومان

أداب بنها

شكرا ليك يا شومان على كتابه الاغانى والف مبروك وبالتوفيق ان شاء الله لجامعه بنها

الله عليك يا شومان دايما متميز وشايف طلباتنا
الف الف مبروك لبنها وكل جوالين بنها
والسمر اللى كان مولع الدنيا فالمنصورة
يلا بقي مستنيين الفيديو بتاع السمر
وحشتنا يا عم شومان ونفسنا نشوفك بقي

ةبالتوفيق يا حبيب قلبي فكل اللى جاى

أمين يارب واتمني تكونوا بخير

وان شاء الله قريباً

مع احترامى ليك يا شومان انتا وقلبظ

اغنية (( هى بنها )) دى من تأليفى انا
والى قالك غير كدة غلطان ايا كان؟؟؟
ارجوووو التعديل
مع تحياتى

mari0o0

ولاه تزعل ياماريو

تم التعديل بجد مكنتش اعرفه أنها تأليفك

عفواً وشكراص علي توجدك معنا داخل بيتك

وأهلا بيك دائما في كل وقت

وأغنية رائعة

ربنا يخليك يا حبيب قلبى
وشكرا جدا للتعديل
الاغنية دى مش بتاعتى انا بس دى بتاعت البنهاوية كلهم
لان ربنا يعلم انا حبيت بنها قد ايه
والدليل على كدة انى مردتش احول المنصورة وانا فى الفرقة التانية
لكن لما الاغنية تتنسب لشخص تانى اظن مش معقول .....
واحب اشكرك تاىن مرة يا شوماااااااا

mario0oooo العائد بشراسة وقوة

اغانى جميله ورائعه يا شومان ربنا يوفقوا
ومبروك لنجاح بنها وبالتقدم دايما

الله يبارك فيكي ياقائد ة ميادة

وشكراً لردك الجميل

يا عم ماريو يعنى انت ايه وقلبظ ايه

ويا عم شومان شكرا على الاغنية الجامدة جدااااااااااااااااااااااااااااااااااا

بس على فكرة بقى ما كانتش كويسة فة الاسبوع زى الدرع

علي فكرة من وجهة نظري كنت أجمد من الدرع بمراحل

مع احترامى ليك يا شومان الاغنية لما تطلع من الناس اللى مألفاها تكون اجمد

وانا لما سمعت الاغنية فى المنصورة ندمت ان المنتخب غناها لانها مطلعطش زى ما كانت فى الدرع

والسلام خير ختام

أنت عندك حق في ده

بس لما تلوم لوم زورو لان هو اللي علمنا الأغنية كده

ومعقبش عليها

بس المهم أن الأغنية كويسه

هى فعلا كويسة جدا وبجد يا ق/ماريو كلنا عارفين حبك لبنها ولكل اخواتك البنهاوية
والى الامـــــــــــــــــــــــام دائمــــــــــــــــــــــا يا بنهـــــــــــــــــــــــــــــــــــــــا

سلام عليكم
تسلم يدك يا شومان حبيب قلبى

على فكرة دى الاغنية بحبها اوووووووى

بس يا جماعة لما تشوفها ليف ليها طعم تانى

انا شفتها اكتر من مرة ليف

» سمر بنها في أسبوع المنصورة صوت
» بعض أغاني بنها في اسبوع المنصورة تسجيل زي استديو
» أغاني عمرو علاء مسامر قمية سوفيا وفد حلوان(كلية التربية الرياضية)
» هي هي هي بنها
» واحد من بنها