القمح مش زى الدهب

من روائع الكبير صلاح جاهين



القمح مش زى الدهب
القمح زى الفلاحـين
عيدان نحيلة جدرها بياكل فى طين
زى اسمـاعين
ومحـمـديـن
وحسين أبو عويضه اللى قاسى وانضرب
علشان طـلب
حفنة سنابل ريَّها كان بالعرق
عرق الجبـين
القمح زى حسين يعيش ياكل فى طين
أما اللى فى القصر الكبير
يلبس حـرير
والسـنـبلـه
يبعت رجاله يحصدونها من على
عـود الفقير

كلمات معبرة فعلا عن الاضطهاد للفلاح والانسان الغلبان ودليل على الاستغلال