طهى السمك خلوى

iوالطريقه دى بورسعيدية أصيلة واسمه ( سمك سنجارى )
المقادير

1 أو 2 أو 3 أو زى مانتا عاوز سمك نظيف ومشقوق بطول السمكه من بطنها ومفرده ( ويستحسن يكون كبير )
كميه ثوم ولتكن راسين من الثوم المدقوق وطبعاً ده سهل ولا أقولكم إزاى تدقوه خلوى
كمون وشطه وملح وفلفل وكارى
ليمون وليكن 10 ليمونات( اصل السمك بيحب الليمون) 5 شرائح والباقى عصير
حزمه كسبره خضراء
كوب زيت زيتون

الطريقة

نرص كل سمكة بالطول ( مفروده ) فى ورق الفويل ونضع عليه الخليط الاتى :
ثوم+ فلفل وملح وكمون وشطه وكارى وحزمه الكسبره المقطعه ( وكله مفروم على بعضه ودى برده سهله )
ونضعه على السمك وبعدين نضع الزيت عليه . ونرص الليمون الشرائح عليه ونلف الفويل بالسمك كويس أوى .
نحمى الفرن الأرضى قبل ذلك ونضع الفويل فيه . ولو عندنا فرن عالى مبنى قبل التقديم نفتح الفويل ونحطه شوية علشان يحمر شويه ويبقى شكله مممممممممممممم لزيز
ونعصر عليه برده ليمون قبل التقديم يبقى تمام .

التقديم
يقدم ساخنه مع الارز الابيض وسلطه طحينه وممكن برده عيش خلوى إما مفرود أو ملفوف
والف هنا وشفا[i]

بجد والله انت مشكله

بجد أنت متميز شكراً

ليك بجد علي الموضوع والقسم

وعلي فعليتك

شكرا ليك انت يا قائد بس المشاركه في القسم ده قليله جدا

بجد بجد الفكرة دى تحفة ياDOLPHIN0GAMED
وممكن من دلوقتى تعتبرنى شريكة فى موضوعك دة
ويا ترى أنت هتسمحلى بكدة ولا أية

طبعا جدا جدا

من قلبك ولا من ورا ه

ههههههههه لا من ادام قلبي

من وراه ولا من قدامه المهم ناكل حاجة.ولا هنقضيها مجاملات

ههههههههههههههههههههههههههههه عندك حق

أنتم كدة يا شعب مصر مبتحبوش المجاملات
أد الاكل بس معزورين بس صحيح أش جاب لجاب

:farao: :farao: :farao: :farao: بلاش حرام عليكم مفيش كدة اى سمكة لاخوكم فوكس انت جوعتونى خالص ياريت تبعتوا اى حاجة والا هزعل اووووى. :farao: :farao: :farao: :farao:

يبقي مش هنبعت لك

ههههههههههههههههههههههههههههههههههه

هههههههههههههههههههههههههههه :farao: :farao: :farao: :farao: يرضيك زعلى يا شومان انا بردة فوكس. :farao: :farao: :farao: :farao:

طريقة جميلة خالص تسلم ايدك

طيب انا مش لية حتة سمكة من اللى بيتوزع دة

اقف فى الصف

ههههههههههههههه
هو مين قال اني غني وبوزع سمك

يا سيدى السمك خليه عليا هجيبة وانا جاى من الاسماعيلية المهم النفس ولا ايه رايك؟ :?: :?: :?: :?:

تسل ايديك

ربنا يخليك وبعدين ده اقل واجب عند فوكس ولا ايه؟؟؟؟؟؟؟؟؟؟؟؟؟

بس هات انت السمك وانا اعمله