معاً لبناء المنتدي من جديد!!

السلام عليكم ورحمة الله وبركاته
أعضائنا الكرآم...أهلاً وسهلاً

جئت لكم آملاً أن نكمل وصل الآخاء الذي كنا عليه من قبل
نتشارك الافراح والاحزان ... نتشاطر اللحظات السعيدة معاَ
نتناقش كما لو كنا أسرة واحدة لا يربطهم سوي الحب و الامل
تسارعنا لنهادي بعضنا البعض في أرقي واسعد اللحظات
تسارعنا لنواسي بعضنا البعض ما أذا فقد الفرد منا شيئاً نفيسا علينا
حين تتساقد من أعيننا دمعة ولا نحصي كم عدد الايآدي التي تسارع لتزيلها

إليكم أسارع لاكون معبر نتلاقي عليه ونسترجع الايام الماضية
فها أنا أكتب اليكم بعض الكلمات التي لطالما وددت ان تلين قلوبكم اليها
ونعود كما كنا بالسابق بل الي الافضل

السؤال الآن كم يد ستترابط معي؟
كم يد ستبدأ بنشر البسمة علي تلال الحزن التي تراكم علي ملتقانا؟
كم منك سيذل قصاري جهده ليكون أحد الساعيين في بناء هذا المنتدي من جديد؟

الاجابة لابد وان تكون أنا
هل تدرون لماذا؟ لاننا فقدنا الكثير من الحب والصدق في شتي مجالات الحياة.
فهل من السهل التخلي عن آخر خيط لرسم بسمة واحدة في نهاية الليل علي وجوهنا
ثم نخلد الي النوم آملين أن تعود الينا هذه البسمة في اليوم التالي؟

من منا مستعد ان يترك هذا المنتدي يلفظ انفاسه الاخيرة ويقف صامتاً مكتف الايدي
أذا لم تخونني ذاكرتي فاني أتذكر ان هذا المنتدي طبع البسمة علي كلاً منا
كما لو كان أب يجثو علي ركبته يقبل جميع أولاده دون تفرقة بين أحداً منه
رغم تعبه الشديد من العمل ومع ذلك لم يستطع ان لا يقبل ابناءه

وأخيراً وليس آخراً... هذه هي يدي اطرحها بالود والحب فهل من مشارك؟!!!

اتشرف بان اكون اول المشاركين معاك يا هيرو ويارب مش نكون لوحدينا اللي عاوزين نرجع للمنتدي بريقه اللي بقاله فترة مفتقده

و دي ايدي أنا كمان
لان بجد والله من اكتر الاعضاء اللي صابهم الحزن والاسي علي حال المنتدي..وشكرا بجد يامحمد علي مبادرتك دي
وياااااارب تلاقي اجابة من باقي الاعضاء

أنا أهه

مقدرش أسيبكوا لوحدكوا أبدا

بجد ميرسى يا محمد على المبادرة الجميلة دى

ويارب نرجع كلنا للمة بتاعتنا فى المنتدى تانى

وربنا يرجع بقيت الاعضاء بالسلامة

يااااااااارب

لوممكن يعني اكون معاكم في حجر الاساس معاً لبناء المنتدي من جديد!! 947807

انت من الاعمدة الاساسية يا مصطفي

انا عارف انى لينى فترة كبيرة برة جو المنتدى بس قلبى معكم

ممكن تعتبرنى واحد حتى لو درجة تانية يبقى دا شرف ليا

شكرا ليكم

معقولة يا تيمو الكلام ده
علي العموم منور والله.ويلا ايدك في ايدنا

نعتبرك أزاى يا تيمو دة انت فعلا عضو من الاعضاء الاساسيين فى منتدى
وحمد الله ع السلامة

منور يا مصطفى وحشنا وجودكوا فى المنتدى والله

نورك ان شاء الله هكون معاكم علي قد ما اقدر ادعولي بس اخد البطوله الي جايه يارب

ياااااااارب يا مصطفي
ربنا معاك

هاي يا جماعة
انا رجعت تاني
كل عام وانتم بخير
فعلا موضوع جامد جدا واتمني من الله ان تنفذ هذه الفكرة

طب يلا همتك معانا يل بيكو واهلا وسهلا برجوعك الجميل ده

وادي ايديا الاتنين خدهم مش عايزهم
مبادرة جميلة يامحمد ويارب منتفرقش ابدا

وادى اديا أنا كمان
دا طبعا لو تسمحولى أكون معاكم
وبجد نفسى المنتدى يرجع تانى زى الأول وأحس
لأنى أنا واحد من الناس وحشتنى جدا اللمة بتاعتنا فى المنتدى من تانى
ولو تسمحولى انى اقترح عليكم اننا نعيد فكرة اننا نتجمع على المنتدىفى وقت معين من كل اسبوع
وممكن يكون الوقت دا يوم الجمعة من كل اسبوع فى أى ساعة تتفقوا عليها
واللى عنده أى اقتراح تانى ممكن يفيد النتدى ويساعد انه يرجع أحسن من الأول يتفضل ويقدمه

انا معاك ياقائد اكثم بجد فكرة حلوة يارب بجد تتنفذ

ونرجع نتلم مع بعض تاني في المنتدي

يعنى كل عضو عمال يجيب ايده

ومفيش حد بيدخل ينفع كدة بردو

يلا بقى يا جماعة عايزين نرجع زى الاول

وربنا يوفقنا جميعا يارب هنصبر لحد مالكل يخلص امتحاناته وبطولاته

مش هنقبل أعذار تانى

استنوا يا جماعة خدوني معاكم
أدي إيديا الاتنين اهم
أنا معاكم
_________________
محمد عماد

لا يا سيدى

ايدك لوحدها مش كفايا

احنا عوزينك كلك يا محمد

يا جدعاااااااااااااااان انا معاااكو ورجعت من تااااني

وان شاء الله نرجع المنتدي زي الاول واحسن وانا ايدي اهيه

يا الف مليووووووووووووون اهلا وسهلا يا عمرو

وكل سنة وانت طيب

وانتي طيبه يا همت

يا جماعه انتو فين

» من اجل المنتدي
» من المنتدي الي الجنه ؟؟؟
» حلال مشاكل المنتدي
» هي فيين المنتدي المختص ب
» أزاي اعمل توقيع في المنتدي