كرسى الاعتراف ..

مستنى الاجابات وتفاعل الاعضاء للدخول على كرسينا المفضل كرسى الاعتراف

ويا رب تكون الاسئله سهله بس ان شاء الله

موها

لآ ولسة بتحضر أسئلة كمان

مكنش العشم أبدا يا موها

هههههههههه

أولا :مش عارفة أقول أيه بعد المقدمة الجميلة جدا دى

بجد تسلم أيدك ويارب أنت دايما اللى متألق ومنورانا دايما بوجودك

_أنا بلجأ للصمت لما أكون غلطانة ومش عارفة أبرر موقفى أنما غير كدة أنا مليش فى السكوت أساسا

هههههههه

_رد فعلى هو البكاء بس أكيد مش فى كل المواقف

_بقعد مع نفسى لما أكون قولت حاجة أو عملت حاجة من المفروض ان هبة مش تعمل كدة وبيبقى سوء تصرف منى وبلوم نفسى كتير وأفضل كدة كتير لحد موصل لحل يخرجنى من الموقف دة بهدوء

_بلاقى راحة البال لما أتكلم مع أخواتى وأخد منهم النصايح_وبلاقيها لما بكون مع أصحابى _وطبعا لما بكون موجودة فى بيتى التانى اللى هو منتدى جوالة بنها وسط أجمل أصدقاء فى الدنيا

_انا مش مؤمنة بمقولة معينة بس مبدأ مؤمنة بيه جدا وهو أن لازم نظرتك للمستقبل تكون أجمل
وأن دايما بكرة أحلى

_حلمى أنى أتخرج وأشتغل وألاقى الانسان اللى يقدرنى ويحترمنى ويحبنى ويكون زوج صالح ليا

وأكون أنا كمان زوجة صالحة

نيجى للألقاب::

القلم الذهبى:المصرى الاصيل

شهادة تقدير:زرقاء اليمامة لموضوعاتها المتميزة

وردة حمرا:لطبعا ريهام اللىعشان وحشانى أوى

وردة بيضا:طبعا لشمس الاصيل وميادة

أما بالنسبة للفنان والشاعر هو طبعا موها من غير كلام

والحد المهم هو سوبر هيرو

نسيت أخر سؤال سورى

أه طبعا حصل موقف وكنت فيه مظلومة وكان مع حد من أعضاء المنتدى كمان

بس بدون ذكر أسماء بس الحمد لله الحد دة صدقنى فى الاخر

وبلاش أقول الموقف بلييييييييز

بسم الله مشاء الله .. إجابات منطقيه وفى محلها ..ايه ده فين الاعضاء ... محدش هيسأل ولا إيه ..طيب نتسلى مع بعض يا هبه شويه .. ولو حبيتى تسألينى أو تسألى أى حد قعد على الكرسى قبل منك فمفيش مشاكل؟؟ وكام سؤال النهارده على الماشى

1- إيه رايك فى الحب الحقيقي ؟
2- هل بتضيعى صلاتك ومش تصلي؟؟؟
3- هل انتى بتنسى اصدقاء الطفوله؟؟
4_ إيه رأيك فى الجواز من ناحيه إن الست تكون أكبر من الراجل يكام سنة كده؟؟
5_آخر مرة بكيتى إمتى .. وكان إيه السبب..؟

معلش شوية أسئله ..شويه ملهمش صله ببعض .. بس ده تمويه .. علشان نعرف إيه اللى فى قلب هبة


موها

إجاباااااااات منطقيه جدا .. وهاجاااااااااوب زى ما طلبتى منى بس يالا نبدأ

1_الحب الحقيقى الحــــــــــــــــب

كأحلام على ارض خرافية يلهينا عن الحاضر يشدنا ويجذبنا

فيعجبنا جبروته فبه نحيا فهو الروح للجسد فلا حياة بدونه

وهو الأمل الذي يسكن أنفاسنا ويخاطب أفكارنا ليحقق آمالنا
هو سفينة بلا شراع تسير بنا إلى شاطئ الأمـان،

سماء صافيه وبحراً هادئ وبسمة حانية، يزلزل الروح والكيان ويفجر ثورة البركان

أخيراً الحب أسطـورة تعجـز البشريـة عـن إدراكهــا

يعنى يا نور الشمس الحب الحقيقى بيكون موجود وانت اللى بتصنعيه بس خلى بالك منه وحااااااافظى عليه
وإن شاء الله ربنا يرزقنا الحب الحقيقى ده وإن شاء الله زى ما قلتى يكمل للآخر وربنا يبعد عننا الجرخ ووجع القلب ..
2_هل تضيع صلاتك ولم تصلي؟؟؟
الحمد لله انا مش بضيع صلاتى .. إلا صلاتى.. دى نور حياااتى ونور قره عينى .. إلا لو نمت بقى فبصليها بعد ما أصحى مباشرة ويا رب اعنى على ذكرك وشكرك وحسن عبادتك
3_ هل انت بتنسى اصدقاء الطفوله؟؟
لا يا نور مش بنساهم ولسه بنتوااصل لحد دلوقتى .. العشرة متهونش برضه والأيام الحلوم مش ممكن ننساها
4_ إيه رأيك فى الجواز من ناحيه إن الست تكون أكبر من الراجل يكام سنة كده؟؟
مفيش مشكله خاااالص إن الزوجه تكون أكبر من زوجها ومفيش مثال أفضل من النبى (ص) والسيده خديجه
بس العٌرف عندنا بيقول ان الراجل لازم يكون أكبر ..طيب برضه الست لما تكون أكبر بشويه وبتحب زوجها ويكون فيه ألفه وعشره بين الاتنين .عمر المشاكل مش تخش بينهم وكمان هاتكون خبرتها ممتازه وهى بتساند زوجها فى بناء بيت أسره متكامل وكمان فى تربيه أبناءها هاتكون مثالجميل جدا ويستحسن إنها مش تعمل فرق سن خالص مع زوجه والمعروف ان الراجل راجل والست ست ودى مش بالسن
5_آخر مرة بكيتى إمتى .. وكان إيه السبب..؟
من حوالى أربع أيام .. والدى كان تعبان شويه وكان لازم عمليه .. بس الحمد لله دلوقتى عال العال

يا رب تكونوا كلكم بخير يا رب .. ويا ريت تشوفى يا نور الشمس حد يقعد على الكرسى مكانك
وإذا كان على الترشيح فأنا برشح إيمى ..

موها

حرام عليكي يا نور انا عملتلك ايه علشا تقعديني ع الكرسي ع العموم الف شكر

مكنش العشم خالص هههههههههههههههههههههههههههههههههههههههه

بس انا هقعد علشان محدش بس يقول عليا جبانة انا مستعدة لكل اسئلتكم

متخلوش حاجة في نفسكم اللي عاوز يسأل انا تحت أمركم بس والنبي متقلوش

عليا اوي احنا داخلين علي امتحانات يلا ربنا يقويكم

ماشي ياهبة كده كده ع العموم انا برضه هجاوب ماانا مقدرش اعمل غير كده

بصي بقي يا ستي اقرب حد ليا هي رحاب صحبتي هي اكبر مني بسنه بس مش برتاح غير لما اتكلم معاها

اما بقي اكتر حاجة حباها في نفسي اني مش مترددة في حياتي ولما بحب اعمل حاجة مش بتردد طالما هي مش وحشة

اما بالنسبة للي مش حباه في نفسي فدي مش موجودة انا الحمد لله راضية عن نفسي جدا

اما بقي بالنسبة للي واحشني فانا كان نفسي هو اللي يتكلم وهو اتكلم الحمد لله وهو خطيبي

ولوحدبقي عنده اي اسئلة تانية عادي بقي استمرو اناهجاوب برضة

ايه ده بقي محدش جه يرد ولايسال ولا يشجع ولايواسي كده يعني ولا علشان انا اتنازلت وجاوبت هتتقلو عليا ع العموم مش مهم انا مستنياكم تسالو من جديد اصل انا بصراحة مكنتش متوقعة اقعد ع الكرسي اصلا
يلا بقي الله يسامح اللي كان السبب في انتظاركم