كلام من القلب لحد فى القلب

النهارده انا بجد مش عارف اعبر عن اى حاجه غير حاجه واحده بس يا ريت تحسوا بيها معايا كلام من القلب لحد بجد فى القلب انا كلامى مش متناقد انا اقصد الراحله بوتشى بس بجد يا ريت تحسوا بيها معايا.....مليكتى يا من استمتعت بنبضات قلبى وسكنت بداخلى....سأظل عاشقا لكى ما حييت
أتعلمين سيدتى اننى اعشقك بجنون ...أعشق كلماتك ..همساتك....نبضاتك ....آهاتك
حتى غضبك منى أعشقه بجنون .....حتى لحظات صمتك اصبحت جزءا منى
احببتك بكل جوارحى
حبيبى دعنى أوقظ حلمى ...على ابتسامه عينيك وأرتشف رحيق شفتيك ...كل صباح
لأبدأ يومى بكلمه احبك
سيدتى أحقا كنت تحدثيننى ..تداعبيننى..تكلمى سيده الروح والقلب
ألم يكن حلما بصوتك دق احساسى
وجزت واجتزت عوالم البشر ......نسيت صغائر الناس ...غفرت اساءه القدر
...اسير كاننى امضى الى رب ينادينى فلا قلبى من الطين
ولا جسدى من الارض ..احببتك بكل جوارحى

اشكرك لانك علمتينى الرقص على الحان الهجر والالم سأخلص فى حبك
مليكتى يتقدم اليك عاشقك بأسمى عبارات الحب ويتمنى ان تتكرمى وترافقيننى فى مشوار حياتى
سيدتى لا يوجد ملجأ من الهروب منك الا اليك
فلا تقسى على قلبا أحبك بجنون
انعمى بانتصارك فقد جعلتينى اتربى فى مدرسه حبك
...لن الوم غير قلبى الذى احبك وكل ما تعلمه منك كيف اكون اسيرك
ارجو الا تتفننى فى تعذيب قلبا احبك
اسيرك موها

انا بجد مش عارفه ارد على الكلام الجامد ده بس بجد اى حد
يتمنى يكون مكان بوتشى
انا بجد اتمنى اكلمك على الميل بس مش عارفه
انا سبق وطلبت منك ده وانت مرديتش
ممكن ترد علينا وتدبنا اميلك علشان اللى عاوز يستفسر عن حاجه
يقدر يستفسر منك
لو سمحت ده طلب منى ومن اللى بيحبوا خواطرك

نيره

ياسيدى على الكلام اللى من القلب للى فى القلب

متشكر اوى
بس احب اقول مش اى حد ممكن يحل محل
الراحله بوتشى مش اى حد واللى عاوز يستفسر عن حاجه
يستفسر عنها هنا قدام جميع الناس اسف بجد لو كنت زعلت حد
اسف بجد

موها

الله يا موها

كلام بجد قمة فى الجمال

تسلم أيدك

كلام جميل اوي يا مان

اوك انا مش زعلانه والله منك
بس بجد اتمنى اخش معاك تحدى فى الخواطر

حضرتك تكتب خاطرتك وانا اكتب الخاطره بتاعتى

والموجود ويقدر يرد ويصوت على كلام مين الاجمد كلام نيره ولا موها

والحضور اللى هايرد ويصوت هايدى كل واحد فينا درجه من عشره
يعنى لو الخاطره بتاعتك تمام ممكن يديك 9على10
وهكذا ...وبدايه التحدى هايكون اليوم اللى انت تتحده انا هاكون موافقه عليه
واحصاء النتيجه بعدها بثلاثه ايام فى نفس الساعه

ممكن اسمع منك رد وتقولنا على يوم بدايه التحدى


نيره

موها الموضوع مش هزار البنت طلبت تحدى يبقى تحدى
ارفع راس الرجاله يا موها
انا واثق فيك بجد


موها كان ممكن تكبر دماغك وتديها اميلك وتعفى نفسك من زعلها ومن التحدى الصعب ده
بس خلاص يا عم الفاس وقعت فى الراس
هههههههههههه
تيمو

بجد دى اول مشاركه ليا فى المنتدى
بس اول ما اجى اشارك فى القسم اللى بحبه الاقى
فى تحدى خواطر

بجد ولا اروع وانا مستنيه التحدى ده بجد لان من اول الناس اللى
هايصوبه


نور

نيره انت بتلعبى بالنار......
انا مش فاضى للعب العيال ده
وعلى العموم احنا فى فتره امتحانات وانا بجد متأسف على
اى حاجه زعلت اى حد فيها

مش هاينفع اعمل اى حاجه زى التحدى ده
الا بعد الامتحانات علشان اقدر اقدم
عرض كويس
بس انا اوعدك بتحدى فى الفتره اللى جايه انا بجد اسف

موها

متفقة معاكى يا همت

فعلا كل واحد وليه الاتجاه بتاعه

بس هما أحرار وطالما عايزين تحدى

يبقى يتفضلو

وأحنا بقى نتفرج على السباق دة

وربنا يوفقك يا قائد محمد

ويوفق كل اللى عنده متحانات يارب

ماشى ...اوك انا ممكن اعذرك علشان الامتحانات بس خلى بالك

انا متعودتش العب بالنار الا مع الناس اللى تستاهل اللعب معاها
لانى بجد زعلت شويه
بس خلاص المهم دلوقتى ركز فى امتحاناتك وخواطرك وانا عاوزه منك الاميل بتاعك لو سمحت
للمره التانيه
محتاجه اتعلم منك شويه ...كتابه الخواطر.. وعاوزه استفسر عن شويه حاجات ويا ريت
تلبى طلبى ..........ده تعويض عن التحدى اللى انت اجلته علشان الامتحانات
لو سمحت يا موها وانت لو عملت كده مش هاكون زعلانه خالص
..التحدى بينا فى الخواطر هايولد افكار جديده وهايخلى الناس تحس بطعم التحدى
وهايشوفو شو جميل جدا ان شاء الله


نيره

انا بجد متأسف ليكم اذا كانت لغه التحدى شويه زعلتكم

وانا اوعدكم اذا نزلت للمنافسه دى هاتشوفو منى شو (على رايها) ملوش حل

بس بجد انا بتمنى ان محدش يزعل منى ..... وانا متاسف بجد على الاميل

مش هاينفع .... بس لو اتغلبت ليكى الميل بتاعى وكمان الباسوورد بتاعه علشان
يكون ملكك لانى مش محتاج النت والمنتدى والميل تانى لو اتغلبت

موها

تمام يا موها وهوا ده المطلوب معادنا يوم الاربعاء بالليل 2/2 وده معاد التحدى
لو حضرتك مجتش يا استاذ هانعتبرك منسحب وطبعا متنساش انك لو خسرت
اميلك هايكون معايا بس برضه لو انا خسرت اميلى هايكون ملكك وده عدل شويه

لو سمحت متتاخرش علشان نقدم 0(شو) كويس

نيره

يا سيدى يا سيدى على الشغل الجامد

طب هو أنا محدش هيدينى الباسورد بتاعته

كدة ظلم بقى

ههههههههههههههههه

ربنا يوفقكم يارب

ايون يا موها بدايتنا خناق وتحدى مش مهم المهم انى واثق فيك
يا ريت تقبل التحدى علشان بجد انا
مستنى منك شو كويس


الدالى

السلام عليكم جميع الحاضرين

طبعا حضراتكم واخدين بالكم انى ادبست فى تحدى وكمان لو خسرت


هاخسر اميلى وحاجات كتير من ورا الموضوع ده بالاضافه الى انى وقعت فى ميعاد انا

موافقتش عليه ......ومهواش مناسبنى ....انا مش عارف يا نيره انتى بتعملى كده ليه وعاوزه ايه


على العموم انا هاحاول اظبط نفسى واكتب النهارده خاطرتى ويا رب تكونى مستعده ومش متسرعه

موها

يالا يا موها التحدى جامد ومستنيك

وأحنا مستنيين تألقك

أنت ونيرة

يا جماعه النهارده آخر يوم لرصد درجات التحدى واظن النتيجه واضحه قدامكم ....
نيره انا متأسف بس التحدى فوز وخساره ...كان المفروض عليكى انك تدينى الاميل بتاعك والباسوورد
ودى جايزه الفائز اللى انتى حددتيها
انا عارف انى لو خسرت كنت هاتخدى منى اميلى وانتى بتضحكى وبستهزئى .... لكن انا بالرغم من انى كسبت لكن انا متشكر على التحدى الجميل اللى مخدش اكتر من يومين بس كان تحدى جامد ... نيره مفاجاتى ليكى .... انى متنازل عن اميلك ومش عاوزه خليه ليكى ... بس سيبينى فى حالى...لانى ميصحش اخد حاجه مش بتاعتى ... ولانى بحب روح المنافسه الشريفه


موها

انت لية خيف يا عسل خش بس الموضوع حلو بس انا قرءاتة قبل كدة بس مش فاكر فين

يلة مش مهم

لا أضفت يا تيمو

هههههههههههههههه

ومبرووووووووووك لفوزك بالتحدى يا قائد محمد

ويارب دايما فى نجاح وتفوق

ونيرة كمان كانت رائعة

بجد كان تحدى جميل

المنتدى والله بقى أجمل بوجودكم فيه

ويارب معانا دايما

مبررررررررررررررررررررررررررروك ليك الفوز يا موها

انت بجد طلعت شهم علشان احترمت خصمك وكمان مرضتش تاخد الميل منى

انت بجد زدت فى نظرى اكتر من الاول مليون مره
انت عارف انا لو فزت مش عارفه...بس بجد كنت هاخد منك الميل غصب عنك علشان مرضتش تدهولى

بس كنت هارجعهولك تانى ... اتمنى اخوض معاك تحدى تانى ويا ريت توافق بس انا عاوزه الميل بتاعك ضرورى فى حاجه مهمه جدا لازم تعرفها....حياه او موت..ارجوك

نيره

اوك يا نيره حظ سعيد بس انا معاكى لو سمحت يا موها اديها الاميل علشان
مسأله الحياه والموت بتاعتها دى

نور