ممنوع دخول البنات...........ولا داعى للحراج

هــــــــــااى


عاملين ايه يا رجاله ؟ الحمد لله كله تمام اكتر انجاز الواحد ممكن يحققوا فى حياته ان ينفز بنت وزى مانتوا عارفين المقوله الشهيرة اللى بتقول طالما فى بنات رخمه يبقى الدنيا هتبقى على طول زحمه
النهارده كنت عاوز اخنق شويه بنات طبعا البنت من دول حاطه اعصابها ف تلاجه والتلاجه مرميه ف مثلث برمودا بس لعل وعسى يمكن تضايق



1-اديها سى دى فاضى وقولها انا جايبلك حته سى دى هايه ملهاش حل ولما تروح تفتحها وتلاقيها فاضيه قولها ممكن تعمليلى نسخه


-2 رن عليها رنه صغيرة اوى تفه يعنى ولو هى كان عندها دم واتصلت بيك اوعى ترد عليها ولو كلتك ف الموضوع ده قولها معلش يا حبيبتى كنت بجرب الشبكه


-3 وانتوا بقى بتعدوا الشارع عدى معاها لحد نص الطريق وخليها هى تكمل وارجع اكنك يعنى بتربط الكوتشى بس خلى بالك لو عربيه شاططك انا مليش دعوة


-4 لما بقى تليفونك يرن واحد صحبك مثلا اعمل نفسك بتكلم بنت واقعد اضحك وهزر وعيش حياتك ولا اكنها مش موجوده اصلا ولما تسالك كنت بتكلم مين قولها واحد صاحبى ووريها التليفون


-5يا سلام بقى لو انت عازمها ف مكان حلو وقبل ما تطلبوا اى حاجه تقولها :يانهار ابيض دا انا راكن غلط ثوانى وجاى يا روحى مش هتأخر وتقعدلك بتاع روبع ساعه وترجع تانى وتقولها :معلش يا عيونى اصل كان فى بنت تحفه برة اااا قصدى كان فى حته حفرة برة


-6 الغلطه المطبعيه: اغلط ف اسمها وانت بتكلمها يا سلااااااااااااااااااااام هتلاقيها بقت كتلة نار جايه من جنوب افريقيا





يا رب البنات متزعلش منى

انا بهزر لذلك انا نزلتة فى طرائف

هستنى ردودكم الجميلة

*مع تحياتى*

القائد/تيمــــــــــــو

جوالة جامعة سوهاج

بالرغم من أنت قولت ممنوع دخول البنات

أنا فضولى دخلنى

لآنى كنت متأكدة أن الموضوع هيبقى كدة

غيبة ونميمة علينا

بس بلاش النصايح الغالية دى والنبى يا تيمو

أنت كدة بتخرب عليهم

أنا قولتلك وأنت حر بقى

هههههههههههههه

أحم أحم أحم تسلم يا قائد تيمو هي الحاجات دي بتنفع أحيانا
هههههههههههههه
___________
محمد عماد

أوعى تمشى ورا تيمو يا محمد

هتغرق مليش دعوة

أنت حر هتندم فى الاخر ومش بعيد تدعى عليه

ههههههههههههههه

ههههههههههه
شفت يا عم تيمو
بان الحقد بتعهم
ايوه كدا خدلنا حقنا يا عم تيمو
ههههههههههه
متزعلوش يا بنانيت المنتدا

لالالالالالالالالالالا
مع كله
لواخذه
هههههههههههههههههه

عدم اللامؤاخذة يا جماعة الكل البنات بيشوفوا إن احنا العيب العام واحنا كذلك بنشوفهم كده
يعني نحاول .... مش مشكلة
هههههههههههههههههههههه
_____________
محمد عماد

أنتوا بتقولو أيه مش فاهمة حاجة

أيه النقط الكتير دى

اللى عايز حاجة يقولها علطول

أنتوا بتخافو ولا أيه

هههههههههههههه

اخباركم اية يا جماعة والله انا الامتحانات خدتنى منكم

بس مفيش مشكلة ان شاء الله

معلش على الموضوع دة
بس انا قصدى اهزر يا بنات

ويا رجالة متسخنوش كدة اوى على البنات

لانى من غيرهم الدنيا مش هتكون دنيا

وحشتونى اووووى

شكرا يا قائد موها على الرد الجميل



بس انا غلطان علاشان قتلك على الموقع دة



اول ما تشوت تشوت فيا



طبعا يا عم ما انت وفتك همت على رايك

هههههههههههههههه

خدونى معاكو النبى

مش بحب الناس التانيين

هههههههههه

لسة مصر على موقفك بردو يا تيمو

هى بقى كدة ماشى يا موها براحتك

انا بقيت الناس التنين

بس انا على موقفى

بس لما اشوفك يا موها

اما علمتكش التقاليدالكشفية من الاول مبقش القائد تيمو

يا تيمو يا جامد

أستلقى وعدك بقى يا موها

انت اللى جبته لنفسك

ههههههههههههه

ما كنشى يومك

هههههههههههههههه

آآآآآآآآآآآآآآآآآآآآآآآآآآآه

انا اللى جبته لنفسى .. انا اصلا مقريتش الردود .. تانى يوم لقيته بيقوللى لف الملعب والتراك عشر لفات

وبعد كده اللعب تسعه وتسعين ضغط.. وجهز نفسك علشان هانلعب صلح وانت اللى نازل..قولتله حراااااااااااام

قاللى ههههه دا انا هاوريك ايام سوده.. وفعلا كان يوم متعب بالنسبه ليا ... بس المشكله انى مكنتش عارف السبب ولما عرفت.. مسكتش .. اتكلمت وزعقت وقولت
تيمو هى كلمه الحق بتزعل .. قاللى آه
صوتك الجميل دخل فى ودنى ومش عاوز يطلع ... انت من النهارده المسامر المستمر للعشيره والمفروض انك تغنى لمده ساعتين متواصلين
.......................كله ده بسبب كلمه حق .. شوفوا انا ضحيت قد ايه ... بس الحمد لله القائد الكبير خلانى قائد للعشيره وكان تيمو فرد من أفراد العشيره بعد كده .. والحمد لله وريته ايام أممممممممممممم

كويسه تيمو برضه مهما كان ده كان قائد وكان ليه وضعه.. بس برضه وريته ايام زى ما ورانى
وخت حقى وخت ليكم حقكم

:fight: موها