لعبه جامده جدا محتاجه تنفيذ جامد جدا

اهلا وسهلا

اللعبه هي اننا هنقسم نفسنا فرق تمام يعني مثلا اربع فرق وكل فرقه هتقسم نفسها مجموعات تمام وكل مجموعه هيبقي في منافسه ما بينهم في كل فرقه وكل فرقه هتختار من الفايزين حد يمثلهم في المسابقه الكبري وهتختار مثلا حد في مجال رياضي ومجال فني ومجال كذا وكذا
بس طبعا كل ده بمواعيد وطبعا لو حد مش جهه كدا هوه بيخسر فريقه ف طبعا هنكون محتاجين مشرفين وحكام وكدا وطبعا هنكون عايزين لوحات علشان نبين ده في انهي مجموعه

وطبعا مش هيتنفذ غير بشماركه شومان او سوبر هيرو
بس هتكون لعبه جامده جدا وهتشغل المنتدي لفتره كبيره وهتشهرو برضو فياريت كلو يشارك ويدي رايه لان اللعبه جامده
ودي اول مره تتعمل في اي منتدي دي من صنعي فيارب توافقو

وشكرا

موافقه

هوه انت بنت ولا ايه

ظام اللعبه
احنا عندنا 5 مشرفين يعني 5 فرق لا احنا هنخليهم 6 اي عضو يعمل فرقه وينزل بيها
تمام كل فرقه هتختار 8 اعضاء بس تمام
وكل قائد فريق هيعمل لهم اختبارات كشفيه ثقافيه رياضيه وعامه تمام وهيطلع 4 بس تمام
وهنقسم ال 6 فرق لمجموعتين ونخلي عليهم قائد القائد ده هيعمل اخبارات في الحاجت اللي احنا قلنا عليها دي وهيطلع من ال 12 واحد 4 بس علشان يقابلو المجموعه التانيه واللي يكسب مش هيكسب لوحدو لا ده هيكسب هوه ووفرقتو ومجعتو وطبعا لو ربنا كارمنا اوي اوي يعني ولنا مواقع صديقه ممكن الاداره تعمل مسابقه بينا وبينهم بس ده في المستقبل البعيد الاول نركز في دي ويارب كل الاعضاء تتفاعل في الموضوع

انا موافقه

يش انت قول كل واحد يحدد ليه قسم ويكون فيه
وشوف مين عايز يكون مشرف فى اللعبه

ومين عايز يكون متسابق

صو بقي المشرفين هما سوبر هيرو وشومان هما دول اللي هيحكموووو

تمام والروؤساء هيبقي زرقاء وريهام والمصري الاصيل وبندقه

تمام كل واحد هيخش يختار 8 اعضاء وانت كمان يا صاحب الظل اختار 8 وخش معانا وابقي ليدر يلا اكتب القايمه بسرعه

خلاص يا جماعه الي عايز يبقي معايا في فرقتي يبعتلي رساله خاصه ويقولي

شوفو يا جماعة أنا مع اللي يختارني بس اللي يختارني يقولي قبلها علشان أعمل حسابي على كل حاجة ههههههههههه
المهم إني إن شاء الله هاعمل اللي يقدرني عليه ربنا
_________________
محمد عماد

أنا موافق بس للأسف مش هقدر اكون موجود الفتره الجايه حوالي اسبوعين

لان عندي ظروف قويه تمنعني من الدخول الي النت اسف

بس والله غصب عني لكن علي العموم سوبر هيرو موجود معاكم

وبالتوفيق ويارب الحق العب معاكم بعد متخلص الظروف

وانا كمان موافقه جدا وبرحب بيك يا محمد يا عماد معايا
بس فى مشكله انا حاسه ان عدد المترددين على المنتدى بانتظام مايكملش فرقه واحد فالمفروض نقلل العدد شويه
وشف انت ممكن تظبطها ازاى يا عمرو

أنا موافقة

وفعلا باين عليها لعبة حلوة أوى

تسلم أيدك يا دولف

وحاضر يا أسلام هضيف الاميل دة

انا مش فاهمه اللعبه يا عمرو
وبعدين
هو انا مشرفه ولا انا عضو
ولا انا ايه بالظبط حد يفهمنى

نتي طبعا مشرفه تمام وهنقلل العدد وهنخلي 6 اعضاء هيطلع منهم 3 بس وهتكون الاختبارات ثقافيه و عامه ودينيه تمام والباقي مفهوم طبعا

يعنى انا مش هجمع اعضاء انا كل اللى هعمله اشراف يعنى بس

انا اكيد معاكم بس اكون فى فريق نور الشمس لانها باين عليها عضوة مجتهدة وهتكسب الفريق

فيا ريت هى توافق اكون معها

يوه يا بندقه
وعلي فكره يا حبي المشرفين بس هما اللي هيبقولي leader تمام وطبعا مع احترامي ل نور الشمس

يلا يا جدعان كل مشرق يخش ويختار 6 بس 6 بس ويكتبهم ويسمي اسم الفريق بتاعتو يلا

هو انا وريهام متواجدين
عايزين بقا زرقاء وعيطه

بس مش عارفه احنا هنشرف ازى
هههههههههههههههه

ومحدش فاهم حاجه ما هى اصلا مش محتاجه
احنا بنقول كده فى الجواله

ع = ل = 36

فاكرها يا جواله

بصي يا عسل

انتي مش هتشرفي اتاي هتعملي ليهم مسابقه ومن نتائج المسابقات هيطلع 3 بس اجمد تلاته تمام في المجالات دي
ديني و رياضي وعام

هتديهم اسئله الاسئله دي انا هنزلها هنزل مثلا 10000 سوال وهتختبريهم فيهم كلهم وانا هنجيب من المنهج تمام

هي دي اللعبه بس انتي ما عليكي هتخشي تختار 6 وتبعتي ليهم رسايل وتتقابلو بقي في شات المنتدي او علي الايميل او في اي شات تاني المهم انك تختاري وتختبري علي فكره ممكن تعملي شات خاص بيكو من موقع ليكوس هتستخدموه بس في المسابقه وبعديها مش تستخدموه بس الرابط بتاع الشات سري علشان مش حد يعرف من الاعداء انتو بتفكرو فيه ايه وهتبقي بقي بالدرجات علي كل حاجه العضو بيعملها في المنتدي وانا افضل ابقي تحكيم
وهنزل الاسئله النهارده اشناء الله وهجيب مواقع برضو وكدا وانتو وشطارتكو بقي بس الاسئله مش هتخرج بره المنهج وياريت نشوف تفاعل نع الموضوع اكتر من كدا

[ندعوك للتسجيل في المنتدى أو التعريف بنفسك لمعاينة هذا الرابط]

طيب انا كدة معايا
محمد عماد وجاميكا وجوست وابو اكرم
دة اللى قدرت اجمعه من الناس
لو فى حد مش موافق منهم ياريت يبعتلى رساله خاصه ويقولى
وياريت لو فى حد عايز ينضم للجروب بتاعى اهلا وسهلا طبعا

بس قولى يا عمرو ابعت للناس رسايل امتى عشان نبدأ على طول

لما القايمه تتملي
يعني كل مشرف يتفضل ويختار الناس بتوعه
وياريت يحصل بسرعه

أنا جيت أهه يا عمور بناء على ترشيحك ليه

بأنى أكون مجموعة

وميرسى يا مصطفى على لامك الجميل دة

وطبعا وبدون أى شك أنت أول عضو فى المجموعة بتاعتى

ودة شىء يشرفنى بكل تأكيد

ما تسجلي باقي الناس يلا

أحب أختار معايا

العاشق الولهان

وjust one

وصاحب الظل

و أختار كمان

[ندعوك للتسجيل في المنتدى أو التعريف بنفسك لمعاينة هذا الرابط]

وطبعا القائد أكثم

» لعبه الامبراطور (جامده اخر حاجه)
» تنفيذ حكم في طالب ثانوي
» محتاجه أتكلم ..محتاجة الدعاء..من القلب للقلب
» موقع رتب جامد
» حاجه جامده اوي