المعهد العالى للتكنولوجيا

طبعا انتوا عارفين ان الجوالة فى المعهد العالى للتكنولوجيا بدأت تستقبل اول شعاع نور يعنى من الاخر مفيش حد عارف حاجة بم انى انا ان شاء الله امين لجنة الجوالة فى السنة الجديدة 2009/2010 عايز اشوف انا هعمل ايه فى السنة دى من اول يوم لاخر يوم وايه هى المتطلبات اللازمة لسنة دى بمعنى حد يقولى مواعيد الانشطة اللى ان شاء الله هعرفها لما السنة تبدأ لما اللائحة تيجى ده مش مهم المهم ايه اللى انا هعمله فى الانشطة دى بمعنى اوضح بطلب من القادة الكرام شرح كل انشطة الجوالة من الالف الى الياء فى السنة اللى جاية دى علشان ادخل وانا عارف هعمل ايه ده اول طلب تانى طلب انى عايز اختار قائد من عندى علشان يبقى قائد العشيرة لانى انا معرفش حاجات كتير يعنى عن موضوع الجوالة يعنى معلومات سطحية جدا بجبها من على النت يعنى مينفعش انا اكون القائد مش علشان انا ضعيف الشخصية ولا الحاجات دى لا علشان ضعف معلوماتى عن الجوالة اكيد فى عندى طلاب يفهموا شوية فى الجوالة انا عايز اعملهم مسابقة علشان اختار منهم قائد طيب ايه هى الاسئلة اللى هتبقى فى المسابقة دلوقتى انا المرشح الوحيد لقيادة العشيرة يبقى العمل ايه طبعا ممكن تكونوا عارفين او متعرفوش ايه هى الدراسة فى المعهد العالى للتكنولوجيا دراسة صعبة جدا فالطلبة بيقولوا الجوالة بتضيع محاضرات وساكشن ف ايه العمل الطلب التالت قائد محترم من حضرتكم يتكرم متطوعا انا يقوم بعمل محاضرات ليا اولا مع الطلبة اللى معايا فى اللجنة والعشيرة وده طبعا اهم طلب ويا ريت حد يتطوع مشكورا يرجى الاهتمام بطلباتى خاصة الطلب الاول والثالث.وشكرا ليكم جميعا .....اه معلش ممكن حد يكون معها التقارير بتاعت معسكر الاستقبال علشان نقدمها يعنى من ضمن المساعدة اصل احنا منعرفش حاجة عن الجوالة خلاص وشكرا مرة تانية ..... اخوكم فى الله مصطفى محمود[/size]

منور والله يا مصطفى بيتك التانى

وأحنا سعداء بوجودك معانا

ويارب أنت كمان تكون سعيد بتواجدك معانا

المنتدى نور

شكرا جدا على مرورك الكريم وانا طبعا سعيد جدا بتواجدى هنا فى المنتدى وطبعا المنتدى منور باهله

يا يارب يا مصطفى تكون أفادة لينا

ونكون أفادة ليك

ان شاء الله تكونوا افادة ليا دى حاجة اكيد حضرتكم على قدر عالى من الوعى واكيد تفيدوا اى حد

لكن للاسف انا مش هكون افادة ليكم فى موضوع الجوالة ده

بس فى اى حاجة تانية خاص بالتكنولوجيا والانترنت والعلم والكلام ده وكرة القدم كمان ان شاء الله هقدم اللى اقدر عليه وشكرا لمروك مرة تانية

العفو يا مصطفى

دة أقل واجب

وأن شاء الله هتكون أفادة لينا فى كل الموضوعات

لآن معظمها مش على الجوالة

زى ما أنت متخيل

تمام يعنى فى اقسام لموضوعات تانية
ان شاء الله هعمل اللى اقدر عليه لافادة المنتدى ككل
وشكرا للاهتمامك

منور يامصطفي

كلية الداب كلها تحت امرك في ايه وقت تشرف وتنور عندنا الكلية

واللي انت عايزه أنا تحت أمرك في ايه شئ

طيب ده بالنسية للشرح انا اقدر اوفرلك قاعة محاضرات تشرح فيها
طيب يا قائد شومان بقيت الطلبات هنعمل فيها ايه

احنا لينا قاعده مع بعض

قريب ان شاء الله وتحت امرك في اي شئ

يوم الاثنين اجتماع المشرفين والقادة فى الجامعة بم انك قائد اداب يبقى هتيجى تحضر واكيد هنتقابل هناك

المنتدى منور بيك يا اصيل

وان شاء الله اكون عشيرة قوية بعون ربنا اولا ثم مساعدتكم ليا

وشكرا لمرورك الكريم

بجد انت حد جامد عشان هتبدا من الصفر
ربنا معاك ولا خاب من استشار
وبجد انت اخترت الطريق الصح اعتمد على الناس دى كلهم رجاله جدعين اوى

ربنا معاك يادرش ويوفقك فى تكوين عشيرة قوية تنافس بيها على درع الجامعة
وتكون افادة للجامعة كلها وركز فى اى حاجة هايقولهالك شومان
وحاول تستفاد منه على اد ماتقدر لأنه بجد حاجة كبيرة قوى فى آداب
وفى الجامعة كلها وكمان فى الجامعات المصرية عموما
وربنا يوفقك انت والعشيرة بتاعتك

يا جماعة انتم متفائلين اوى مع احترامى للجميع انا لسه مستقبلتش اى معلومة من القائد شومان اللى هو مدير المنتدى او اى حد من القادة الكرام الموجودين فى المنتدى انا مش عارف ده تقصير منى انى طلبت المساعدة فى المكان الخطأ او تقصير من القادة الكرام لا سمح الله انهم للاسف معندهمش وقت يساعدوا حد الله واعلم بظروف الناس ولكن من يريد التعاون لا شئ يستطيع ان يمنعه وشكرا ليكم جميعا

اسعى يا عبد
ما ضاع حق وراءه مطالب وانت يا مصطفى اللى محتاج يعنى انت اللى لازم تسعى وتجرى وراؤ اى حد ممكن يساعدك وماتيئسش وكمان فعلا ماحدش عارف الظروف ايه
المهم انك حاول توصل لاى حد من اداب او تجارة هنا فى المنتدى
اقول غير شومان عشان هو عنده ظروف اليومين دول عندك جاميكا وبربرى واخرون
حاول توصلهم برساله او حتى فى الشات وكلمهم واتفق معاهم وانا متاكد ان ماحدش هيبخل عنك باى حاجة


وربنا يوفق الجميع