للنساااااااااااااااااااااااء فقط..الجزء الثانى

عيب عليك يا باشا انا هرد اهو وهبقى اول واحدة يلا بقى
مرحله الطفوله
1-مستشفى احمد ماهر وبعدين جيت على بيتنا
2-ماما كانت اول حد ياثر فيا
3-كنت بحب ابن الميس بتاعتى وعمل وكان كل المدرسين عارفيا ومامته كانت عارفه وبتحبنى اوى المهم انه عمل حادثه واتنقل المستشفى وطبعا ماكنش بينادى غير عليا وجاتلى مامتو وطلبت منى انى لازم اروحله وبعدين انا كنت عارفه ان ماما مش هتوافق (ماينفعش بقى بنت تروح لولد)هههههههههههه فراحت مامته خلت كل زمايلنا فى الفصل يروحو عشان تخلى ماما توافق انى اروح معاهم وبعدين روحت وشفته وكل المدرسين كانو بيضحكو علينا وانا كمان لما كبرت بقيت بضحك ههههههههههه
4-بعض الشىء بس دة كان من بابا بس لكن ماما لأ
5-اه كنت مستنياه عشان كنت عايزة اروح عشان البس اللبس الجديد واتفرج على العيال مش عشان اتعلم
5-ولا بشوف اى حد منهم
6-عبث طفوله بقى هنقول ايه

مرحله المراهقه
1-تقريبا المعامله ماتغيرتش عشان احنا كنا شويه عاقلين يمكن حتى ما مرناش بتجارب المراهقه العاديه(طول عمرنا رجاله)
2-طبعا انا كان الحب الاول فى الطفوله لكن ماحبتش فى مرحله المراهقه نيهائى
3-لأ طبعا عمرى ماعاكست شاب او حتى كلمت شباب غير قرايبى قبل مرحله الجامعه وفى الوقت دة كنت بكلم زمايل الجامعه كاخوات واصدقاء وبس
4-تقريبا حققت اول خطوة فى طموحاتى وهى انى ابقى مهندسه ناجحه ان شاء الله بس لسه طبعا عندى طموحات كتيرة لسه ماتتحققتش
5-عمرى ماكتبت مذاكراتى ولا حتى فكرت اكتبها
6-انا دايما على اختلاف فى وجهات النظر مع بابا واحيانانا ماما بس كلامهم طبعا هو اللى لازم يمشى وانا موافقه عليه ولازم يتنفذ بس هما كمان بيحترمو وجهة نظرى (بس لما بثبتهم)

مرحله الشباب
1-نظرتى مختلفه جدا عن السابق وحاسه ان فعلا تفكيرى كبر بكتير وشايفه المستقبل كويس ان شاء الله وعموما انا دائما متفائله
2-انا حاسه انى لسه ماتحطيتش فى موقع مسئوليه عمليه او عائليه عشان انا لسه ماشتغلتش او اتجوزت بس شويه حسيتها لما نزلت تدريب وحسيت بكيانى فى شغلى المقبل ان شاء الله وكمان طبعا عندى مسئوليه ناحيه اهلى بس انا مش المسئول الاول
3-رغم انى مختلفه بعض الشىء مع ماما وبابا لكن اتمنى انى انجح فى تربيه ابنائى واربيهم زى ما اهلى ربونى ولكن فى حاجات هغيرها بس على قد ما اقدروياريت انجح فى اللى بحلم انى اعمله معاهم
4-مانا ماكتبتش بقى
5-حياتى المقبله وكيف ستكون ومع مين وربنا يوفقنى يارب فيها كلها وانى ازاى ارضى ربنا
6-عادى بقى مانا اتعوت خلاص اعيش واتعايش بس اكييد هما مش عايزين غير مصلحتى

ادم وحواء
1-يعنى الكثير طبعا مين منا كبنات مابتحلمش بالراجل اللى هيبقى كل حاجة فى حياتها وابو اولادها
وطبعا يارب يرزقنا بالزوج الصالح والزريه الصالحه
2-طبعا مافيش قدوة خير من اهل بيت النبى عليه افضل الصلاة والسلام بس انا هتكلم عن الوقت الحالى انا بحب قوى سوزان مبارك ومن غير تحيز انا فعلا بحترمها مع انى مابحبش الحاجات اللى بتتعمل زى المجلس القومى للمرأة والحاجات اللى بيعملوها ستات اليومين دول والمساواة والكلام الفاضى دة بس هى ليها انجازات تانيه كتير
اما الشخصيه الرجاليهمن الوقت الحالى فهوالرئيس السادات ومن غير ما حد يضحك عليا انا قلت اهو
3-طبعا دى مش محتاجه سؤال وهو النبى محمد صلى الله عليه وسلم
4-طوله وعينه وجاذبيته
5-بما انى مش بحب الشعر بس ليا فى الغنا فهقول جزء من اغنيه
حبك صالحنى على الدنيا كل الدنيا وخلى نظرتى ورديه وغير فيا
6-اولا انا مش عندى ماضى غير( صاحبنا بتاع اولى ابتدائى دة اللى قلتلكم عليه)وطبعا دة كان لعب عيال بس حتى لو كان ليا ماضى ماكنتش هحكيله عليه اما بالنسبه ليه هو فبراحته لو عايز يحكى مافيش مشكله خالص هسمع بصدر رحب لانها خلاص كلها مواضيع وانتهت وعلى الاغلب معظم الرجاله بيبقى عندهم علاقات قبل الزواج
7-اقول لبابا ربنا يخليك ليا ودايما سندى فى الدنيا واقول لاخويا ربنا يحميك ويخليك ويهديك ويخلينى ليه عشان انا اقرب صاحبه ليه واقول للزوج تاعلى بقى عشان انت اتاخرت ولما يجى هعرف شغلى معاه ههههههههههههههههه
ووعد عليا انى هحاول على قد ما اقدر انى اخليه اسعد واحد فى الدنيا



ارجو انى ماكنش طولت

ومستنيه اسمع بقيت البنات انا طلعت راجل اهو وبدأت يلا بقى ورايا
وانتى كمان يا همت هتقولى

ماحدش ناوى يعترف ولا ايه
امال فين جواله بنها الرجاله
حتى انتى يا همت

اين انتم يا نساااااااء المنتدى
هلموااااااااااااا
تشجعوااااااااااااااااااااااااا
اقتربوااااااااااااااااااااااااااااا
يلا بقلى ورونا

وادى تانى راجل اهى فين الباقى بقى
اصلى وراكم وراكم لحد ماتكتبو يا رانيا ويا ميادة ويا روز وطبعا مش هسييبك يا همت

نسيت اقولكم انى طلعت راجل اوى معاكم عشان كمان حطيت صرة ليا وانا صغيرة يلا بقى اى خدمه

طب هما شكلهم كدة مش هيكتبو يبقى ابداى انتى يمكن تشجعيهم

ايه يابنتى هو انا بقولك حاجة وحشه لا سمح الله
دانا بقولك شجعيهم يمكن مكسوفين

اما نشوف
يعنى على ضمانتك؟؟؟؟؟؟؟؟؟؟؟؟؟؟؟

ياااااااااااااااارب
احسن لو مردتيش هطالب بحذف الموضوع بس بقى
ههههههههههههههههههه

هههههههههههههههههه
بس بردو يا هبه احنا كنا رجاله ووقفنا وقفنا وقفه رجاله
ههههههههههههه

دانتى مصرة بقى طب ايه رايك انا هطال بحذف الموضوع مادام ماحدش رد غير انا وهبه بس
ولا ايه يا بوبا