واحنا في مشوار حياتنا

و احنا ماشيين في مشوار حياتنا
من واحنا صغيرين بنعيش في أحلامنا
هي دنيتنا و أحلي ما فيها
طفولة بريئة و في عز ما احنا فيها
نلاقيها بتبعد عننا ...للاسف غصب عننا
أحداث و ظروف بتدور من حوالينا
عينينا تفتح علي مشاكل من حوالينا
ناس تستغل و تجرح أقرب الناس لينا
و احنا مش فاهمين و الحيرة مالية عينينا
مش مصدقين ..ازاي دول مننا
و تاخدنا دوامة الايام و تلف بينا
و نلاقينا فجأة بنسبق سننا
شايلين الهم فوق كتفنا
و الحزن يملا قلوبنا
لما نلاقي كل شيء مر في حياتنا
بيحول بيننا و بين أملنا
و فراقنا مش بايدينا
ما هي النفوس مش صافية من افعال ناس قبلنا
ده ذنبهم ...مش ذنبنا
لكن خلاص اخدنا قرارنا
مهما يكون ...ده قدرنا
لعله خير لينا كلنا
ده ما يعلم الغيب غير ربنا
مش يمكن اللي اتمنيناه و فاكرينه خير لينا
كان شر هيصيبنا و ربنا أراد انه يحمينا

قال تعالي "و عسي أن تكرهوا شيئا و هو خير لكم و عسي أن تحبوا شيئا و هو شر لكم و الله يعلم و أنتم لا تعلمون" صدق الله العظيم

بقلم/ زهور الجنة

ونعم بالله

شكرا ليكى يا فاطمة..

وربنا يجعلنا من الذين يرضون بقضاءه وقدره..فى السراء والضراء

انا عايزة اقول المنتدى نور بيكى يا زهور
والله انا فرحانه انك موجوده معانا فى المنتدى
وموضوعك جميل اوى
وانتى وحشانى خالص
ربنا يحميكى يا فاطمه

اللهم امين

الله يا فاطمة

موضوعك جميل أوى

منورة المنتدى والله يا قمر

مرحب بيكى يازهور فى منتدى العمالقة
موضوعك جميل جدا
الله ينور عليكى
و(هذه هى الدنيا)

مشكورين على رودكم واعذرونى على تأخيرى في رودكم وجزاكم الله خيرا :) :)

ولا يهمك بس ما تغبيش علينا
بجد موضوعك جميل جدا وهى ديه الدنيا
ففى كلتا الحالتين نقول الحمد لله على السراء والضراء
ربنا ما بيعملش حاجه وحشه
الحمد لله

» انت لية مش بتمسك ايدى واحنا ماشيين فالشارع
» حياتنا فى هذة القصة
» حياتنا بصفحَةٍ ألكترونيّة ..