للرجاااااااااااااااااااااااااااال فقط

عبث الطفولة
- مكان الميلاد أين كان ؟
قرية بمحافظة القليوبية ..أجمل شيئ فيها كل الناس تعرف بعضها وبيحبوا بعض
- حياة الطفوله من كان المؤثر الأول بها ؟
أبي وأخى الأكبر حفظهما الله من كل سوء وطبعا هما العامل المؤثر فى كل حياتى
- موقف من الطفوله مازال عالق في ذهنكـ؟
كنت ماشى من امام مركز الشرطة وفيه زحمة اتاريها خناقة وكنت مع والدى المهم سيبت والدى وطبعا وقف يشوف اييه المشكلة سيبته يشوف المشكلة ودخلت جوه وطبعا فجأة ملقانيش جنبه لف عليا كتيير جدا وفى النهاية لاقانى قاعد مع الظابط فى مكتبه ويومها الظابط ادانى تفاح وموز وعلى اثر دا فضلت متخيل نفسى هكون ظابط بس طبعا لما كبرت مردتش
- هل كان يوجد معامله مختلفه لاخواتك البنات عن الذكور ؟
لا الحمد لله طول عمرنا بنتعامل معاملة واحدة مفيش فرق بين كبير وصغير أو بنت وولد
- اليوم الدراسي الأول هل تتذكر حالكـ فيه ؟
طبعاً أن قدمت أزهر وظليت عام فاليوم الاول كنت رايح وحاسس انى هكون الشيخ الشعرواى
بس أكتر شعور لسه فاكره ساعة الفسحة ومع أول مرة أروح اشترى حاجات وفرحان أوى ..وطبعا كنت خارج على سنجة عشرة وكأنى طالع من الغسالة رجعت البيت عايز شوال برسيل
- أصدقاء الطفوله هل مازلوا على تواصل ؟
الحمد لله لانهم كانوا كلهم من اهل القرية ولانى الحمد لله أحب أحافظ دايماً منذ الصغر على أى حد أعرفه فمعظمهم لسه على تواصل حتى والله وانا فى الغربة
- عبث الطفوله كيف تصفه في بضع كلمات ؟
عبث لا تحاكم عليه ..أفعل ما شئت فانت طفل
عنفوان المراهقة
- مرحلة المراهقه كيف كان تعامل الأهل فيها ؟
كانوا كلهم أصدقائى .. بس فى مشكلة صغيرة ما زالت معايا منذ هذه المرحلة الانفعال الشديد وكان الاهل بيحاولوا يتجنبوا النقطة دى

- غالباً مايكون الحب الأول في مرحلة المراهقه فكيف تصفه إن وجـــد ؟
رسالة غرام تتمزق أوراقها ..وورده حمراء تضيع رائحتها


- هل كنت مثل شباب اليوم تتسلي وتعاكس حواء ؟
ههههههههههههههه كنت بغير كل فترة جذمة من كتر المشى طبعا ً دا وانا صغير وبرضه حواء كانت بتعاكسنى
- إلى ماذا كنت تطمح وهل وصلتِ لطموحكـ ؟
الطموح أحلام وأفكار تغازل العقل نادر ما تكون على قدر ما يتحقق ولكن أهم شيئ اتحقق فى طموحاتى زوجة صالحة ربنا يحميها
- هل كتبت مذكراتك ؟
مش حياتى .. كتبت بس مذكرات غرامية وابتديتها طبعا من بداية الغرام الحيقيى يعنى من أول الجامعة
- موقف غوصبت علي فعله بواسطة والديك ؟
مفتكرش شيئ معين لأنه نادر لو حصل بس ممكن أقول دخول الثانوية العامة بس دلوقتى بدعيلهم كفاية انى وجدت شريكة حياتى.. بسبب الثانوية اللى دخلتنى الجامعه
- موقف غصب عليك والديك بفعله ؟
انظر الاجابة السابقة
نــضــج الـرجـولة

كيف هي نظرتكـ للحياة اليوم ؟
برنامج جميل جدا وعاجبنى اوى الواد المذيع والمذيعة اللى معاه
طبعا ً الحياة ستظل دائما سهم له بداية ومهما طال له نهاية.نسعد فيها ونحزن..بدايتها لقاء ونهايتها فراق
- هل وجدت حلاوة المسؤليه مابين واجباتكـ العملية والعائليه ؟
ياالله من أروع الاحاسيس بس لما تنجح وتكون على قدر المسئولية لان الاحساس بالفشل صعب
- هل ستربي أبنائكـ بنفس أسلوب تربية والديكـ لكـ ؟
ياريت أقدر
- هل مازلت تحتفظ بمذكراتك ؟ وهل مازلت تكتبها ؟
اكيد بكتبها علشان احتفظ بيها .. وأكيد لسه بكتب لانى لسه عايش
- ماأكثر مايشغلكـ تفكيركـ في ظل مرحلة النضج ؟
سعادة كل من حولى
- موقف غوصبت عليه من والديك وانت في تلك المرحلة ؟
لا الحمد لله والدى من بداية المرحلة وممكن من قبلها بيحاول ياخذ رايى فى كل شيئ وبيقتنع به
جدا ومفيش حاجة اساسا هو بيفكر فيها الا انا بكون ملبى لها لان "الطاعة أفضل من الاجبار"

آدم وحواء
- المرأة ماذا يعني وجودها في حياتكـ اليوم ؟
أم أنجبت وربت ..أخت يكمن فيها معنى الحب والحنان .. زوجة صالحة تشاركنى أفراحى وهمومى
- من هي الشخصية النسائية التي تعجبك ؟ الرجالية ايضا ؟
النسائية.. السيدة عائشة
الرجالية .. دائما ابدا لا يوازيه معبود سيدنا رسول الله صلى الله عليه وسلم
من هو الرجل التي تود ان يكون قدوة كل رجال الارض ؟
الرسول صلى الله عليه وسلم

- بعد الأخلاق الحسنة ماأكثر مايلفت انتباهكـ في المرأة شكلاً ؟
عيونها

- ما رأيك بالمرأة التي اهتمامتها تشبه الي حد كبير اهتمامات الرجال ؟
مش المشكلة ان افكارها تشبه .. ولكن المشكله انها تسترجل وتضع نفسها فى نفس المستوى مع الرجل وطبعا دا مش عداء منى للمرأة أنا والله بحترمها جداً انما لو هى فعلت دا تبقى بتخالف ربنا" وللرجال عليهن درجة " لازم تحافظ على مسافة الدرجة دى بينها وبين الرجل
- بيت شعر تهديه لحواء ؟
ان كنتى تخشين الحساب ..ان خفتى يوما من العذاب
فبادرى الى ربك .. وبادرى الى الحجاب

- هل من الممكن ان تخبر امرأتك بماضيك وعلاقاتك السابقة مع غيرها ؟
وهل ستفضل ان تقول لك امرأتك عن ماضيها؟
لكى أسطر مستقبل نظيف لابد أن أتخلص من شوائب الماضى وأكيد طبعاً هصارحها


9- كلمة توجهها الى حواء : الام - الاخت - الزوجة ؟
أمي :- الكلمة لاتكفيكى ولا بحور الكلام ..لو اردت مدحك أمى قد يعجز اللسان على ان يأتى بمدح يليق بكِ ..فأى الكلام قد يوازى ليلة سهرتى بجوارى وأنا فى سعيد الاحلام..ولكنى سادعوا لكى ربى دعاء من بحور دعائكى لى .. الله يحفظكى ياأمى
أختى :ربنا يحميها لأولادها ولزوجها
- زوجتى :أحبك وأنتى خطيبتى ..أحبك وأنتي زوجتى ..أحبك إلى أن يغطى التراب جبهتى