الفروض اليومية

السلام عليكم

ايه رأيكم بأداء فروض يومية
تقربنا من ربنا وتكون سبب في دخولنا الجنة بإذن الله

كل يوم واحد يتكرم من اعضاء المنتدي يدخل
يقول فرض يومي مثلا (قول سبحان الله 50 مرة) كل واحد دخل الموضوع
يعمل الفرض ده واول ما يخلصه يبعت يعرفنا ... طبعا علشان نحمس بعض

بس في طلبين منكم قبل ما نبدأ

بالله عليكم فرض واحد كل يوم الكترة في الحاجات دي مش تبقي من الحكمة
انكم مش تفرضوا حاجات مرهقة علشان احنا مش عارفين ظروف بعضنا
في واحد يبقي في الشغل واحد مريض واحدة بتطبخ الـخ

أبدأ بسم الله
فرض النهاردة (الجمعة)

مش محتاج وضوء ولا اي حاجة
انو مفيش حد يدخل ويخرج من البيت
إلا ويقبل ايد (ماما) ويقول لها ارضي عني يا أمي

سواء دخل خرج ميت الف مرة ورجع تاني
لو نزل يشتري حاجه ورجع مدام فارقتها تعمل الفرض
يارب مش يكون تقيل عليكم ربنا يتقبل منا ومنكم

أتمنى إني أقوم بذلك والحمد لله أنا لما كنت بمصر كنت لا أخرج ولا ادخل الا وأقبل يد أمى وأبي ولكنى سأقبلهما بالدعاء لهما
ربي اغفر لي ولوالدى وللمؤمنين يوم يقوم الحساب

14 مشاهدة ورد وحيد
بداية مبشرة جدا جدا جدا
مش مستغربها علي فكرة

اليوم التالي (السبت)
الفرض بتاع النهارده
تصلي علي الرسول (100) مرة بس

وتذكر انو روي ابن مسعود رضي الله عنه أنه صلى الله عليه وسلم قال
(أولى الناس بي يوم القيامة أكثرهم علي صلاة) أخرجه أبو داود والترمذي

إذا سمعتم المؤذن فقولوا مثل ما يقول ثم صلوا علي
فإنه من صلى علي صلاة صلى الله عليه بها عشرا

اتمني يكون في اقبال اكتر من كده

صلاة وسلاماً عليك سيدى يارسول الله
أتممت والحمد لله
ودى فعلا فرصة جميلة ياجماعة استثمروها

اللهم صلى وسلم وبارك عليك يارسول الله صلى الله عليه وسلم
بارك الله فيك موضوع جميل
اتممت والحمد لله

اللهم صلي وسلم وبارك علي سيدنا محمد

25 مشاهدة و ردين
بصراحة انا مش محتاج اكتر من كده
كفاية ان الاصيلين هما اصحاب الردين دول

اتممت الحمد لله
ومتشوق للفرض بتاع بكرة جدااااااا

انا فرحانه اوى اوى بموضوعك يا محمد

بس فعلا هدخل معاك فى الجدول
وكنت عايزة اقول 100 مرة الصلاة على النبى عليه

وجزاك الله كل خير يا محمد

السلام عليكم

حمدالله علي سلامتك
منورة المنتدي من تاني يا ميادة

ياريت الالتزام بفرض يومي وحيد كل يوم
علشان مش نتقل علي نفسنا وفي الاخر ولا نبقي طولنا ده ولا ده

وبعدين اللي عاوز يحط فرض ينافس ولا ايه :cheers: باللي يلحق :bball:

السلام عليكم

اليوم التالي (الأحد)
الفرض اليومي

انكم تحفظوا 10 آيات من القرآن
وتصلوا بيهم طول اليوم

يارب الفرض مش يكون تقيل عليكم

طب والله الفرض دا جميل جداا
اييه رأيكم نبدأ كلنا من سورة واحدة سورة البقرة وكل فترة نحفظ عشرة ونخليهم فرض ليوم وتكون فى مسافات بين الايام بحيث نأكد على العشرة آيات السابقة وكده ممكن نقدر نحفظ جزء كبير من القرآن ويكون لتواجدنا فى المنتدى معنى بجد
ربنا يقدرنا جميعا..هبتدي الحفظ بداية من قيام هذا الليل ان شاء الله

واحدة واحدة يا قائد نحبب الناس الاول
وبعد كده مش هنعتقهم انا حفظت 3 آيات وهحفظ من سورة ابراهيم
وان شاء الله مش هنام غير لما احفظهم علشان اصلي بيهم الفجر

اللهم أعنا على ذكرك وشكرك وحسن عبادتك
بجد ياجماعة احنا محتاجين أوى لربنا بعدنا عنه بزيادة أوي

حفظت العشرة آيات والحمد لله
اللهم أعنا على ذكرك وشكرك وحسن عبادتك

اتممت الحمد لله

الحمد لله الذي بنعمته تتم الصالحات

طيب انا فعلا بحفظ صفحه ونص من سورة البقرة

طيب هو ممكن اقتراح كل واحد يحفظ 10 ايات من السورة اللى يقدر يحفظ منها

انا بحفظ من سورة البقرة

جزاك الله كل خير يا محمد

اليوم التالي (الاثنين)
الفرض اليومي

اول ما تقرا موضوعي
طبعا لو بتستخدموا زجاجات مياه
انت / انتي تتطوع وتملئ كل الزجاجات

ولو بتستخدموا (كولمن)
تتكرم وتجيب الثلج وبرضوا تملئ الـ (الكولمن)

بصوا مالاخر ساعدوا في البيت بطريقة او أخري
معلومة للشباب ممكن مش يكونوا واخدين بالهم

ان الرسول صلي الله علية وسلم
كان يساعد زوجاته و اهله في ترتيب البيت
اعتقد انو احنا مش احسن من النبي

فرض طويل شوية بس نستعين ونعمل اللي نقدر عليه

يارب تشملنا شفاعة النبى صلي الله عليه وسلم

جزاك الله خيرا يا محمد

جعله الله فى ميزان حسناتك

بارك الله فيك يا محمد

بجد موضوع فى منتهى الايجابية

ان شاء الله هبدأ .وربنا يتقبل منا ومنك

الحمد لله
يتم كل يوم ومش الميه بس دا الاكل والغسيل والمياء وكافة شيئ

ربنا معاك يا محمود

وكل ده من ضرائب الغربة.أعانك الله عليها

والحمد الله اتممت

أنا الحمد لله أنهاردة قبل الفجر

راجعت على كل الصور اللى كنت حفظاها قبل كدة

واللى تركتها من فترة والحمد لله أتأكدت من الحفظ

الحمد لله

اتممت والحمد لله

اتممت والحمد لله حفظ العشر ايات

اليوم التالى (الثلاثاء)
كل واحد فينا يصلي ركعتين ويدعوا لنصرة الاسلام والمسلمين